• Jeremías 2:31
    Biblia Aymara. Machaq Mundon Jakirinakataki

    • 31 Aka tiempon jakir jaqenaka, Jehová Diosan arunakap amuytʼapjjam.

      ¿Israel markatakejj mä wasararut tuktjja,

      jan ukajj wal llakisiyiri chʼamak oraqeruch tuktjja?

      ¿Kunatsa nayan markajajj ‘nanakajj librëjjapjjtwa,

      janiw mayampis juman ukar kuttʼanipkäti’ sasin sapjje?+

  • Jeremías 6:16
    Biblia Aymara. Machaq Mundon Jakirinakataki

    • 16 Jehová Diosajj akham sarakiwa:

      “Thakinakajj jikiski uka cheqar saytʼapjjam, uñjapjjarakim.

      Nayra thakinakat jisktʼasipjjam,

      kawkïris suma thakejj uk jisktʼasipjjam, uka thaki sarapjjarakim,+

      ukatsti jumanakatakejj samarañ jikjjatapjjarakïta” sasa.

      Ukampis jupanakajj akham sapjjewa: “Janiw nanakajj uka thak sarapkäti”+ sasa.