• Jeremías 50:20
    Biblia Aymara. Machaq Mundon Jakirinakataki

    • 20 “Uka urunakansa uka tiemponsa”, siw Jehová Diosajja,

      “Israelan pantjasitanakapajj thaqatäniwa,

      ukampis janiw kunas utjkaniti,

      Judá markan juchanakapas janiw katutäkaniti,

      kuna laykutejj khitinakarutï nayajj jiltʼaykta ukanakarojj perdonäwa”.+

  • Hebreos 8:10-12
    Biblia Aymara. Machaq Mundon Jakirinakataki

    • 10 ”Jehová* Diosajj sarakiwa: ‘Uka urunak qhepatjja aka pactwa Israel markampejj luräjja. Leyinakaj-jja amuyunakaparuw uskuntäjja, chuymanakaparuw qellqantarakëjja.+ Nayajj jupanakan Diosapäyäwa, jupanakajj nayan markajarakïniwa.+

      11 ”’Jupanakatjja janiw maynis marka masiparusa jilaparusa, “¡Jehová* Diosar uñtʼam!” sasin yatichjjaniti. Jupanakajj jiskʼat jachʼakamaw taqenis nayar uñtʼapjjetani. 12 Jan wali luratanakapatjja nayajj khuyaptʼayasïwa, janirakiw juchanakapatjja jukʼamp amtasjjäti’+ siw Diosajja”.

  • Hebreos 9:15
    Biblia Aymara. Machaq Mundon Jakirinakataki

    • 15 Ukatpï Cristojj machaq pacton yanapiripajja,+ ukhamat khitinakatejj Diosan jawsatäpki ukanakajj Diosan arsutaparjamajj wiñay jakaña katoqapjjañapataki.+ Taqe ukanakajj jupan jiwatap laykuw utjäna, jiwatap laykurakiw khitinakatï nayrïr pactonkkasajj juchanak lurapkäna ukanakajj juchat kutsuyatäpjjäna,*+ salvatäpjjarakïna.