• Job 38:39, 40
    Biblia Aymara. Machaq Mundon Jakirinakataki

    • 39 ¿Jumajj mä leonan manqʼañapatakejj kuns katjasmati?

      Jan ukajj ¿chʼamani leonanakaruch sistʼasiñkam manqʼayasma?+

      40 Kunapachatï leonanakajj imantasiñ lugaranakapan kʼumtʼatäsipki,

      jan ukajj mä akatjamat katjañatak jiptʼatäsipki ukhajja, ¿jupanakar manqʼayasmati?

  • Oseas 5:14
    Biblia Aymara. Machaq Mundon Jakirinakataki

    • 14 Cheqas Efrainatakejj nayajj mä wayna leonar uñtasitäyäwa,

      Judá markatakejj chʼamani leonar uñtasitarakïyäwa.

      Naya pachpaw jupanakarojj jiskʼa jiskʼa tukjäjja, ukatsti sarjjarakïwa.+

      Jupanakarojj apasjjäwa, janirakiw khitis jupanakar salvkaniti.+

  • Amós 5:18, 19
    Biblia Aymara. Machaq Mundon Jakirinakataki

    • 18 ‘¡Ay kunakïkani, khitinakatï Jehová Diosan urup wal suyapki ukanakatjja!+

      ¿Jehová Diosan urupan kun pasañapsa jumanakajj suyapjjta?+

      Uka urojja qhanat sipansa chʼamakäniwa.+

      19 Uka urunjja jumanakajj leonat escapasin mä osompi jikiski uka jaqer uñtasitäpjjätawa,

      uka jaqejj utapar mantasin amparamp perqar apoytʼasi ukhajja, mä asiruw* juparojj achutataraki.