-
Ezequiel 25:12, 13Biblia Aymara. Machaq Mundon Jakirinakataki
-
-
12 ”Taqe Kunjjar Munañani Jehová Dios Tatitojj akham siwa: ‘Edom markajj Judá markatwa vengasi, jupat vengasisasti wali jachʼa juchaniwa.+ 13 Ukatwa Taqe Kunjjar Munañani Jehová Dios Tatitojj akham sasin arsu: “Nayajj Edom marka contrajj amparaj loqatatarakïwa. Uka markatjja jaqenaksa uywanaksa tukjäwa, mä chʼusa lugararuw tukuyäjja.+ Temán markat Dedán markakamaw espadampi jiwarayatäpjjani.+
-
-
Ezequiel 35:10, 11Biblia Aymara. Machaq Mundon Jakirinakataki
-
-
10 ”Niyakejjay jumajj ‘aka pä markasa aka pä oraqesa nayatakïniwa, nanakajj paypach katusipjjäjja’+ sistajja, Jehová Diosajj ukankaskchïna ukasa, 11 ‘kunjamtï nayajj cheqpachapun jakkir Diosäktjja’, siw Taqe Kunjjar Munañani Jehová Dios Tatitojja, ‘kunjamtï jumajj wali uñisiñaman jupanakar wali colerasiñampi envidiasiñampi uñjkayätajja,+ ukhamarak nayajj jumar uñjäma. Kunapachatï jumar juzgkäma ukhaw jupanakajj nayar uñtʼapjjetani.
-
-
Amós 1:11Biblia Aymara. Machaq Mundon Jakirinakataki
-
-
11 Jehová Diosajj akham siwa:
‘Edom markan kimsa kuti jan wali luratanakapata,+ jïsa, pusi kuti jan wali luratanakapatjja, janiw nayajj amtaj mayjtʼaykäti,
kuna laykutejj pachpa jilaparuw espadampi arknaqäna,+
jupajj janiw khuyaptʼayasiñ munkänti.
Wali colerataw jupanakarojj jan sinttʼasis wikhanoqaskaki,
jupanakatakejj coleratakïskiwa.+
-