• Isaías 58:12
    Biblia Aymara. Machaq Mundon Jakirinakataki

    • 12 Juma laykuw nayra laqayanakajj wasitamp saytʼayatäni,+

      jumaw nayra tiempon jakir jaqenakan cimientonakap wasitamp saytʼayäta.+

      Qʼala tukjat murallanak askichiri sapjjätamwa,+

      thakinak mayamp askichiri sapjjarakïtamwa, ukhamat uka thakinak jakʼan jaqenakajj jakapjjañapataki.

  • Jeremías 33:10, 11
    Biblia Aymara. Machaq Mundon Jakirinakataki

    • 10 “Jehová Diosajj akham siwa: ‘Aka lugarajj chʼusakiwa, janiw jaqenakanïkiti, janirakiw uywanakas utjkiti. Judá oraqen markanakapasa Jerusalén markan callenakapas chʼusakiwa, janiw jaqenakanïkiti, janiw khiti jakiris ukan utjkiti ni uywanakas utjkarakiti sasin sapkta uka markanjja, wasitat istʼasini 11 wali kusisiñat arnaqasiñanakasa, kusisiñat arnaqasitanakasa,+ casarasir waynan arupasa, casarasir tawaqon arupasa. Akham sirinakan arunakapa: “¡Ejercitonakan Jehová Diosapar yuspärapjjam, Jehová Diosajj suma Diosawa,+ munasiñat jan jaytjasirïtapajj wiñayatakiwa!”+ sasa’.

      ”‘Jupanakajj yuspärañatak ofrendanakwa Jehová Diosan utapar apapjjani,+ kuna laykutejj nayaw yaqha markan katuntatäpki ukanakarojj oraqer mayamp qalltanjam kuttʼayanëjja’, siw Jehová Diosajja”.

  • Amós 9:14
    Biblia Aymara. Machaq Mundon Jakirinakataki

    • 14 Israel markajankir preso katuntatanakarojja, wasitampiw nayajj irpanëjja,+

      jupanakaw apanukut markanakjja wasitampi saytʼayapjjani, ukanwa jakapjjarakini.+

      Uvas yapunakwa yapuchapjjani, uka yapunakan vinopwa umapjjarakini,+

      huertonakwa lurasipjjani, uka huertonakan achunakapwa manqʼapjjarakini’+ sasa.