4 Ukampis faraonajj janiw istʼapkätamti. Ukatwa nayajj Egipto marka contrajj chʼamaj uñachtʼayäjja,* uka markarojj castigarakïwa. Ukatjja ejercitonakar uñtasitäki uka markajarojja, mä arunjja israelitanakarojj Egipto oraqetwa irpsöjja.+

4 Nayajj faraonan chuymap qalarayasiñapatakiw jaytäjja,+ jupasti jumanakan qhepamwa jutani. Ukatjja nayajj faraonampiru taqe ejercitopampir atipjasaw sutij jachʼañchäjja,+ cheqpachapuniw egipcionakajj nayan Jehová Diosätaj yatipjjani”.+ Ukatjja israelitanakajj ukhampunwa lurapjjäna.

20 Jichhasti Jehová Dios Tata, nanakan Diosaja, amparapat salvapjjakitaya, Jehová Dios Tata, ukhamat aka oraqen taqe reinonakapajj* juma sapaki cheqpach Diosätam yatipjjañapataki”+ sasa.

16 Oraqer imjjatir qenayanakar uñtataw Israel markaj contrajj jutäta. Gog, tukuy urunakansti, oraqej contraw apanïma,+ ukhamat markanakajj nayar uñtʼapjjañapataki, juma nayraqatan juma taypi santot uñjatäkä ukapachana”+ sasa’.

11 “Inti jalsut inti jalantkamajja nayan sutijajj markanak taypin jachʼäniwa.+ Taqe lugaranakanwa sacrificionakajj jewqʼeyasini, nayan sutijatakiw ofrendanak apanipjjani, ukanakajja qʼoma regalonakäniwa. Kuna laykutejj nayan sutijajj markanak taypinjja jachʼäniwa”+ siw ejercitonakan Jehová Diosapajja.