6 Babilonia markan reyipasti, Sedequiasan yoqanakaparojj jupan uñjkataw Riblá sat cheqan jiwarayäna. Babilonia markan reyipajj Judá markan taqpach wali importante jaqenakaparuw jiwarayäna.+ 7 Ukatsti jupajj Sedequiasar juykhuptayasajj cobret lurat cadenanakampiw chinuntäna, ukhamat Babiloniar apjjañataki.+

24 Guardianakan jilïripajja, Seraya+ sat jilïr sacerdoterusa, Sofonías+ sat payïri sacerdoterusa, kimsa porteronakarus katuntarakïnwa.+ 25 Ukatsti jupajj akanakaruw markat apasïna: soldadonakan comandantepäkäna uka palacion trabajir jilïriru, markankasipkäna uka reyin paqallqo amuytʼayirinakaparu, ejército pʼeqtʼirin secretariopäkäna, mä arunjja ejercitotak markankir jaqenak tantachtʼirïkäna uka jaqeru, markan jiltʼapkäna uka 60 aleq jaqenakampiru. 26 Nebuzaradán sat guardianakan jilïripasti, jupanakar katuntasajj Riblá markaruw Babilonian reyipan ukar apäna. 27 Babilonian reyipajj Hamat oraqenwa Riblá+ markan jupanakar jiwarayäna. Ukhamaw Judá markajj yaqha markar preso apat uñjasïna.+