• Isaías 58:6, 7
    Biblia Aymara. Machaq Mundon Jakirinakataki

    •  6 Janiw nayajj uk maykti. Nayajj maykta uka ayunojj akhamäñapawa:

      yaqhanakar tʼaqesiyir cadenanak apaqapjjam,

      yukunakan chinuñanakap apaqapjjam,+

      tʼaqesitanakar libre jaytapjjam,+

      taqpach yukunaksa chika taypit pʼakjapjjam,

       7 manqʼat awtjatanakampi tʼantʼam compartipjjam,+

      pobrenakarusa jan utani jaqenakarus utamar katoqapjjam,

      jan isinïpki ukanakar isthapiyapjjam,+

      familirianakamar jan rechazapjjamti.

  • Santiago 2:15, 16
    Biblia Aymara. Machaq Mundon Jakirinakataki

    • 15 Mä jilatatï jan ukajj mä kullakatï jan isinïkchi, janirak mä urutakis manqʼañapajj utjkchi, 16 ukampis jumanakat maynitï jupar “sumak sarjjam, juntʼukïskam, sum manqtʼasirakim” sasin sischi, janirak kunatï cuerpopatak wakiski ukanaksa churkchi ukhajja, ¿kunjamarak ukajj yanaptʼaspasti?+