• Jueces 2:19
    Biblia Aymara. Machaq Mundon Jakirinakataki

    • 19 Ukampis juezajj jiwjjäna ukhajja, jupanakajj wasitat yaqha diosanakar servipjjäna, ukanakaruw adorapjjarakïna,*+ ukhamatwa tatanakapat sipans jukʼamp jan walinak lurapjjäna. Janirakiw jan wali luratanakaps jaytapkänti, jan istʼasis sarnaqasipkakïnwa.

  • 2 Crónicas 21:13
    Biblia Aymara. Machaq Mundon Jakirinakataki

    • 13 Antisas Israelan reyinakapjamaw sarnaqtajja,+ jumajj Judá markarusa Jerusalén markan jakirinakarus Diosatwa jitheqtaytajja,*+ kunjamtï Acab chachan familiapajj Diosat jitheqtapkäna ukhama.*+ Jumajj pachpa jilanakamaruw jiwaraytajja,+ tataman yoqanakaparu, jupanakajj jumat sipans jukʼamp sumäpjjänwa.

  • Jeremías 13:26, 27
    Biblia Aymara. Machaq Mundon Jakirinakataki

    • 26 Ukatwa nayajj faldam ajanum patjjakam aptäma,

      taqenin uñjkataw jumar phenqʼachäma.+

      27 Adulterio juchanak luratamasa,+ mä caballor uñtasit katusiñ munasin wararitamasa,

      prostitutjam mä phenqʼa sarnaqatamas uñjatarakïniwa.

      Jiskʼa qollunakansa pampa oraqenakansa,

      nayajj ajjtaskañ sarnaqatam uñjta.+

      ¡Ay kunakïkäta, Jerusalén marka!

      ¿Kunapachkamas jumajj qʼañüskakïta?”.+