• Joel 2:1, 2
    Biblia Aymara. Machaq Mundon Jakirinakataki

    • 2 “¡Sionan pututu phustʼapjjam!+

      Sagrado qollujan guerran nuwasiñatak arnaqasipjjam,

      markan jakirinakajj taqeni khatatipjjpan,

      ¡Jehová Diosan urupaw jutaski!+ ¡Uka urojj jakʼankjjewa!

       2 Uka urojj sinti chʼamak uruwa,+

      qenayanakani sinti chʼamak uruwa,+

      willjtan qhanapajj qollunak patjjar saratatki ukar uñtasitawa.

      Mä markaw utji, waljaniwa, chʼamanirakiwa.+

      Janiw kunapachas uka markjamajj utjkänti,

      janirakiw mayampis utjkaniti,

      ni akjjar jutiri taqe wawanakan wawanakapan maranakapans utjkaniti.

  • Sofonías 1:14, 15
    Biblia Aymara. Machaq Mundon Jakirinakataki

    • 14 ¡Jehová Diosan jachʼa urupajj jakʼankiwa!+

      ¡Jakʼankiwa, ratukiw jakʼachasisinki!+

      Jehová Diosan urupajja, wali ajjsarkañäniwa.*+

      Uka urunjja guerrar sarir jaqenakas wararipjjaniwa.+

      15 Uka urojja colerasiñ urüniwa,+

      uka urojja tʼaqesiña, llakisiña urüniwa,+

      uka urojja jan waltʼayatäña, tukjatäña urüniwa,

      uka urojja chʼamak urüniwa,+

      uka urojja wali chʼamaka, chʼiyar qenayanakani urüniwa,+