20 ”’Jumajj uñjkta uka qoqajja,* wali jachʼaru wali chʼamanir tukkäna, jilïr ramanakapan puntapajj alajjpachanakkam purkäna, oraqen tukuyanakapatpach uñjaskäna,+ 21 ramanakapas waljäkäna, walja achunïkarakïna, taqenitak manqʼanïkäna, uka qoqa* manqhan animalanakas jakapkäna, jamachʼinakas ramanakapan jakapkäna,+ 22 uka qoqajj* jumätaw jachʼa rey, kuna laykutejj jumajj wali jachʼäjjtawa chʼamanirakïtawa, jachʼätamajj wali altoruw jilti, alajjpachanakkamaw puriraki,+ juman apnaqatamajj oraqen thiyanakapkamaw* puri.+