• Ezequiel 25:15-17
    Biblia Aymara. Machaq Mundon Jakirinakataki

    • 15 ”Taqe Kunjjar Munañani Jehová Dios Tatitojj akham siwa: ‘Israelar wali jaya tiempo uñisisiñampi uñjasajja, filisteonakajj jan wali amtanakampiw vengasiñsa tukjañsa thaqapjje.+ 16 Ukatwa Taqe Kunjjar Munañani Jehová Dios Tatitojj akham sasin arsu: “Nayajj filisteonak contraw amparaj loqatatäjja.+ Keretita+ jaqenakarojj chhaqtayäwa, qota jakʼan jakapki uka jiltʼirinakarus tukjarakïwa.+ 17 Musparkañanak lurasaw jupanakat vengasëjja, wali colerasiñampiw jupanakar castigäjja. Jupanakjjar vengasiñaj apankä ukhaw jupanakajj Jehová Diosätaj yatipjjani” sasa’”.

  • Amós 1:9, 10
    Biblia Aymara. Machaq Mundon Jakirinakataki

    •  9 Jehová Diosajj akham siwa:

      ‘Tiro+ markan kimsa kuti jan wali luratanakapata, jïsa, pusi kuti jan wali luratanakapatjja, janiw nayajj amtaj mayjtʼaykäti,

      kuna laykutejj mä gruppach presonakjja Edom markaruw katuyapjjäna,

      jilanakkam lurapkäna uka pactotsa janiw amtasipkänti.+

      10 Ukatwa Tiro markan murallaparojj nina apayanëjja,

      uka ninaw jachʼa torrenakap qʼal nakhantani’+ sasa.

  • Zacarías 9:1, 2
    Biblia Aymara. Machaq Mundon Jakirinakataki

    • 9 Akasti Diosan arsut arunakawa:

      “Jehová Diosan arunakapajj Hadrac oraqe contrawa,

      uka arunakajj Damasco markaruw jutani,+

      kuna laykutejj Jehová Diosan nayranakapajja jaqenakaruw uñchʼukiski,+

      Israelan taqe tribunakaparuw uñchʼukiskaraki,

       2 uka arunakajj Hamat+ marka contraw jutaski, Hamat markajj uka markamp* colindawa,

      Tiro+ ukhamarak Sidón+ markanak contraw jutaskaraki, uka markanakajj wali yatiñan markanakäpjjewa.+