Watchtower INTERNETANKIR BIBLIOTECA

Esdras 9:6, 7

Biblia Aymara. Machaq Mundon Jakirinakataki
- 6 Ukatjja akham sistwa: “Dios Tata, nayajj walpun phenqʼastjja. Amuyatajj janjamakiw oración taypi jumar jakʼachasiñatakejj walïkti. Dios Tata, nanakan pantjasitanakajajj pʼeqenakaj patjjan waljapuniwa, juchanakajas alajjpachkamaw puriraki.+ 7 Nayra awkinakajan urunakapat jichhürkamajja, nanakan pantjasitanakajajj walipuniwa.+ Nanakan pantjasitanakaj laykurakiw nanakasa, reyinakajasa, sacerdotenakajas yaqha markanakankir reyinakan amparapar katuyat uñjasipjjta. Nanakajj espadamp+ jiwayataw uñjasipjjta, preso katuntat apataw uñjasipjjta,+ saqueyjata+ jiskʼachata ukhamaw uñjasipjjarakta, kunjamtï jichhürun pasaski ukhama.+

Isaías 1:16

Biblia Aymara. Machaq Mundon Jakirinakataki
- 16 Jareqasipjjam, qʼomachasipjjarakim,+
  jan wali luratanakamsa nayraqatajat apanukupjjam,
  jan walinaksa jan jukʼamp lurjjapjjamti.+

Isaías 55:7

Biblia Aymara. Machaq Mundon Jakirinakataki
- 7 Jan wali jaqejj thakip jaytpan,+
  yaqhanakar jan walinak lurir jaqejja jan wali amuyunakap jaytpan,
  Jehová Diosan ukar kuttʼanjjpan, Diosasti jupat khuyaptʼayasiniwa,+
  Diosasan ukar kuttʼanjjpan, jupasti taqe chuymaw juparojj perdonani.+

Oseas 14:1

Biblia Aymara. Machaq Mundon Jakirinakataki
- 14 “Israel, Jehová Diosaman ukar kuttʼanjjam,+
  pantjasitanakam kawsaw tinktajja.