22 Manqʼasipkäna ukhajja, mä tʼantʼa irtasaw Jesusajj mä oración luräna.* Pachjasasti akham sasaw jupanakar churäna: “Aka tʼantʼa katoqapjjeta, akajj cuerpoj sañ muni”+ sasa.

19 Ukjjarusti mä tʼantʼa jupajj irtarakïna,+ Diosar yuspärasasti, pachjasaw jupanakar churäna, akham sasa: “Akajj cuerpoj sañ muni,+ jumanak layku churatäniwa.+ Akjja nayat amtasisin lurasipkakim”+ sasa.

23 Kunanaktï nayajj Tatitut katoqkta uka pachparakwa jumanakar yatichapjjsma: kunapachatï Tatit Jesusajj aljantat uñjasiñapäkäna uka arumajja,+ mä tʼantʼa jupajj irtäna, 24 Diosar yuspärasajj pachjasaw akham säna: “Akajj cuerpoja sañ muni,+ jumanak layku churatawa. Akjja nayat amtasisin lurasipkakim”+ sasa. 25 Cena tukuyasajj ukhamarakiw copampejj luräna,+ akham sasa: “Aka copajj machaq pacto sañ muni,+ wilajampiw uka pactor mantasini.+ Sapa kuti aka copat umtʼapkäta ukhajja, nayat amtasisin ak lurasipkakim”+ sasa. 26 Sapa kuti uka tʼantʼat manqʼapkäta ukhasa jan ukajj uka copat umtʼapkäta ukhasa, jaqenakaruw Tatitun jiwatapat yatiyasipktajja, jupajj jutkani ukapachkama.