20 Jupajj sarakïnwa: “Jumanakajj janiw Diosar taqe chuyma confiyapktati.* Qhanakwa sapjjsma, jumanakatejj mä mostaza* jatha ukchʼaksa Diosar confiyapjjasmajja,* aka qollurojj ‘akawjat khaya cheqar jittam’ sasaw sapjjasma, uka qollusti jittaspawa. Ukatjja janirakiw kunas jumanakatakejj chʼamäkaniti”+ sasa.

23 Qhanakwa sapjjsma, maynitejj aka qollur ‘sartam, lamar qotar jaqoranttam’ saspa, ukat ukajj phoqasipuniniw sasin confiyani,* janirak chuymapan payachaskani ukhajja, uka qollojj qotar jaqoranttaniwa.+

6 Ukatwa Tatitojj jupanakar akham säna: “Mä mostaza* jatha ukchʼaksa Diosar confiyapjjasma* ukhajja, aka mora qoqarojj* ‘saphitpach jikʼstam, qotar ayruntasim’* sasaw sapjjasma, uka qoqajj jumanakar istʼapjjeristamwa.+

40 Jesusajj jupar sarakïnwa: “Jumatï creyïtajja Diosan kʼajkir chʼamapwa uñjäta sasajj ¿janit sisksma?”+ sasa.

9 Kuntï Pablojj parlaskäna ukanakwa uka jaqejj istʼaskäna, Pablosti juparojj sum uñkatarakïna, qollayasiñatak Diosar confiyatap* amuyasajja,+ 10 akham sasaw jupar jachʼat säna: “Kayut saytʼasim” sasa. Ukatwa uka jaqejj may thoqthapisin sarnaqañ qalltäna.+