45 Taqe jaqenakajj jupar istʼasipkäna ukhajja, akham sasaw Jesusajj discipulonakapar säna: 46 “Escribanakat amuyasipjjam, jupanakajj kayukam purir isinakamp isintasisaw taqe cheqans sarnaqañ munapjje, plazankir qhatunakan aruntayasiñs wal munapjjaraki. Sinagoganakansa nayraqatankir* qonuñanak munapjje, cenanakansa suma lugarankañpun munapjje.+ 47 Viuda warminakan utjirinakapsa qʼal lunthatsupjje,* jaqenakamp uñjayasiñ laykojj wali jayaw oracionanak lurapjjaraki, ukatwa jupanakajj jukʼamp juchañchatäpjjani” sasa.