6 Jesusajj Betania markankaskänwa, nayrajj lepra usunïkäna uka Simonan utapana,+ 7 ukapachaw mä warmejj jupar jakʼachasïna, wali jila alani suma olorani aceites mä alabastro* yurur aptʼasita. Ukatsti Jesusajj manqʼaskäna ukhaw uka warmejj uka aceitemp jupar pʼeqet warjjattʼäna. 8 Uk uñjasasti discipulonakajj colerasipjjänwa, sapjjarakïnwa: “¿Kunatsa uka aceitejj inamay wartasi? 9 Ukajj walja qollqeruw aljasisapänjja, ukhamat pobrenakar churañataki” sasa.

2 Ukanwa Jesusatakejj mä cena wakichapjjäna. Martajj jupanakaruw manqʼa serviskäna,+ Lazarusti jupanak chikarakiw ukan manqʼaskäna. 3 Mariasti wali jila alani suma olorani aceitwa aptäna, uka aceitejj niya chika litrönwa, nardot* luratarakïnwa, janiw kunamp mezclantatäkänsa. Uka aceitempiw Jesusarojj kayunakat warjjattʼäna, ukatsti ñikʼutapampiw kayunakapsa wañsuyarakïna. Utpacharuw uka aceiten suma olorapajj phoqtʼäna.+ 4 Ukampis kawkïritejj discipulonakapat Jesusar niya aljantañampïskäna uka Judas Iscariotejja,+ akham sasaw säna: 5 “¿Kunatsa uka suma olorani aceitejj 300 denario* qollqenakar jan aljaski, ukhamat pobrenakar churañataki?” sasa.