23 Ukapachasti demonion mantat mä jaqew jupanakan sinagogapankarakïna, akham sasaw jupajj wali jachʼat arnaqasïna: 24 “¡Nazareno Jesús, ¿nanakampi kun luriris akar jutta?+ ¿Nanakar tukjirit jutta? Jumajj khitïtas uk nayajj sum yatta, jumajj Diosan Santo Serviripätawa!”+ sasa. 25 Jesusasti akham sasaw demonior toqenoqäna: “¡Amuktʼam, uka jaqet mistum!” sasa.

11 Demonionakas+ sapa kutiw jupar uñjasajj qonqortʼasis altʼasipjjäna, akham sasaw jachʼat arnaqasipjjäna: “¡Jumajj Diosan Yoqapätawa!”+ sasa. 12 Jesusajj janipuniw khitirus nayjjat arsupjjätati sasaw uka demonionakar kutin kutin ewjjäna.+

33 Ukatjja demonion mantat mä jaqew uka sinagogankarakïna, jupajj akham sasaw wali jachʼat artʼasïna:+ 34 “Nazareno Jesús,+ ¿nanakampi kun luriris akar jutta? ¿Nanakar tukjirit jutta? Jumajj khitïtas uk nayajj sum yatta, jumajj Diosan Santo Serviripätawa”+ sasa. 35 Uk satasti Jesusajj akham sasaw demonior toqenoqäna: “Amuktʼam, uka jaqet mistum” sasa. Ukatwa uka demoniojj uka jaqer jupanak taypir liwnoqäna, jan usuchjasaw jupat mistjjarakïna.