7 Taqenirus kunatï wakiski uk churapjjam: impuesto mayki ukarojj impuesto churapjjam;+ pagayasiñ munki ukarojj pagapjjam; istʼatäñ munki ukarojj istʼapjjam;+ respetatäñ munki ukarojj respetapjjam.+

5 Esclavonaka, kunjamtï Cristor istʼapktajja ukhamarak patronanakamarojj+ wali respetompi ajjsarañampi taqe chuyma istʼapjjam.

22 Esclavonaka, aka oraqenkir patronanakamarojj taqe kunan istʼapjjam,+ jan jupanakan uñchʼukitakejj istʼapjjamti, jaqenakar kusisiyañ laykukis lurapkasma ukhamjja, jan ukasti Jehová* Diosar ajjsartʼasa taqe chuyma istʼapjjam.