7 Nayrïri angelajj trompetap tuktʼasïna ukhajja, chhijchhimpi ninampiw utjäna, ukanakajj wilamp mezclantatänwa, ukanakajj oraqer jaqtanitarakïnwa.+ Ukatjja oraqejj niya chikataw* nakhantäna, qoqanakajj* niya chikatarakiw nakhantäna, chʼojjña alinakasa taqpachaw nakhantarakïna.+

8 Payïr angelajj trompetap tuktʼasïna ukhajja, nakhaskiri mä jachʼa qollükaspas ukhamaw lamar qotar jaqontatäna.+ Ukatjja lamar qotajj niya chikataw* wilar tukurakïna.+

10 Kimsïr angelajj trompetap tuktʼasïna ukhajja, lamparjam qhanir mä jachʼa warawaraw alajjpachat jalaqtanïna. Uka warawarasti niya chikatpach* jawiranakjjaru ukhamarak uma jalsunakjjaruw purïna.+

12 Pusïr angelajj trompetap tuktʼasïna ukhajja, intisa, phajjsisa, warawaranakasa niya chikatpachaw* usuchjatäpjjäna,+ ukhamat intisa, phajjsisa, warawaranakasa niya chikatpach chʼamaktʼapjjañapataki,+ urusa arumasa niya chikatpach jan qhananïñapataki.

9 Phesqër angelajj trompetap tuktʼasïna ukhajja,+ mä warawararuw alajjpachat oraqer jalaqtanitap uñjta, uka warawararuw Diosajj mikʼayar*+ apir pʼiyan llavep churäna.

13 Sojjtïr angelajj+ trompetap tuktʼasïna ukhajja,+ Dios nayraqatankki uka qori altaran wajjranakapatwa+ mä aru istʼarakta.

15 Paqallqöri angelajj trompetap tuktʼasïna ukhajja,+ alajjpachanjja wali jachʼat artʼasir arunakaw istʼasïna, akham siri: “Diosasana ukhamarak Cristopan+ Reinopajja*+ jaqenakjjaruw apnaqaski, jupajj wiñayan wiñayapatakiw reyjam apnaqarakini”+ sasa.