Números
24 Kunapachatï Balaam chachajj Jehová Diosatak* Israelar bendisiñajj walïtap amuyäna ukhajja, janiw mayampejj Israelar layqjañatakejj sarjjänti,+ jan ukasti wasar toqeruw uñtäna. 2 Uñtasasti Balaam chachajj Israelaruw tribunakaparjam+ carpanakap saytʼayapjjatap uñjäna, ukatsti Diosan espíritu santopaw jupjjar jutäna.+ 3 Ukatjja Balaam chachajj akham sasaw säna:+
“Beor chachan Balaam yoqapan säwi arunakapasa,
nayranakap jistʼaratäkäna uka chachan säwi arunakapasa,
4 Diosan arunakap istʼki uka chachan säwi arunakapasa,
khititï Taqe Chʼaman Diosan visionap uñjkäna uka chachan säwi arunakapasa,
khititï nayranakap jistʼaratäsin oraqer puriñkam altʼaskäna uka chachan säwi arunakapajj akawa:+
5 ¡Jacob, carpanakamajj kunja sumasa!
¡Israel, jakaskta uka lugaranakajj kunja sumasa!+
6 Ukanakajj vallenakjamaw wali jayar puripjje,+
jawir jakʼankir jardinanakjama,
Jehová Diosan ayruntat* áloe alinakjama,
uma jakʼankir cedro qoqanakjamaw* wali jayar puripjje.
7 Lipʼichit lurat pä wayaqanakapat umajj mistusinkakiwa,
jathapas walja umajj utjki uka jakʼan satantatawa.+
8 Diosaw juparojj Egipto markat irpsuni.
Jupatakisti Diosajj salvaje toron wajjranakapjamawa.
Israelaw tʼaqesiyapki uka markanakarojj tʼunjani,+
chʼakhanakapsa tʼunthapini, flechanakapampiw jupanakar jiwarayarakini.
9 Israelajj jiptʼasiwa, mä leonar uñtataw jiptʼasi,
¿khitis juparojj sartayaspa?
Khitinakatï jumar bendisipktam ukanakajj bendisitäpjjewa,
khitinakatï jumar maldisipktam ukanakajj maldisitäpjjarakiwa”+ sasa.
10 Uk istʼasasti Balac reyejj walpun Balaam chachatakejj colerasïna. Balac reyisti wali colerataw amparanakap tʼajjllirasïna, akham sasaw Balaam chacharojj sarakïna: “Nayajj enemigonakajar maldisiñamatakiw jumar jawsaysma,+ ukampis aka kimsa kutejj maldisiñat sipansa jupanakarojj bendistawa. 11 Jichhajj utamar sarjjam. Nayajj jumar jachʼañchañwa munayätjja,+ ukampis Jehová Diosajj janiw juman jachʼañchatäñamjja munkiti” sasa.
12 Balaam chachasti akham sasaw Balac reyirojj sarakïna: “¿Jumajj khitankta uka chachanakarojj janit nayajj akham siskayätjja: 13 ‘Balac reyejj qollqempi qorimpi phoqantat utap churkitaspa ukhasa, janipuniw kuntï Jehová Diosajj siskitu ukat jukʼampjja pachpa amtajat* lurkiristti, ukajj walïpasa jan walïpasa janipuniw nayajj lurkiristti. Kuntï Jehová Diosajj siskitani ukakwa nayajj parlirista’ janit nayajj ukham siskayätjja?+ 14 Jichhajj markajaruw nayajj sarjjaskta. Jutam, aka markajj kuntï markamar jutïrin* lurkani uk yatiyäma” sasa. 15 Ukatjja Balaam chachajj akham sänwa:+
“Beor chachan Balaam yoqapan säwi arunakapajja,
nayranakap jistʼaratäkäna uka chachan säwi arunakapajja,+
16 Diosan arunakap istʼki uka chachan säwi arunakapajja,
khititï Jachʼa Diosan yatiñapanïki uka chachan säwi arunakapajja,
Taqe Chʼaman Diosan visionapwa uñji,
nayranakap jistʼaratäsin oraqer puriñkam altʼaskäna ukhaw uk uñjäna.
Uka chachan säwi arunakapajj akawa:
17 nayajj jupar uñjäwa, ukampis janiw jichhajj uñjkäti,
nayajj jupar uñjäwa, ukampis janiw anchhitpachajj uñjkäti.
Cheqpachapuniw jupajj Moab markan parap pʼakjani,+
guerran wali nuwasir taqe jaqenakan pʼeqe chʼakhanakapsa pʼakjarakiniwa.
18 Edom markajj Israelan katuntatäniwa,+
jïsa, Seír+ markajj enemigonakapan katuntatäniwa,+
ukañkamasti Israelajj jan ajjsarir markätapwa uñachtʼayani.
19 Jacobutjja mayniw juzgañatak mistunini,+
jupaw markan jan jiwapki ukanakarojj tʼunjani” sasa.
20 Kunapachatï Balaam chachajj Amalec markar uñjäna ukhajja, jupajj akham saskakïnwa:
21 Kunapachatï Balaam chachajj quenitanakar+ uñjäna ukhajja, akham sarakïnwa:
“Jakaskta uka lugaranjja janiw kuna jan walis paskaspati, jakaskta uka lugarajj mä jachʼa qarqa* patjjankiwa.
22 Ukampis mayniw quenitanakar* ninampi tukjani.
¿Qhawqha tiempos Asiria markar preso apatäñamatakejj faltaski?” sasa.
23 Balaam chachajj akham saskakïnwa:
“¡Kunapachatï Diosajj uk lurkani ukhajja, janiw khitis escapkaniti!
24 Kitim+ lugarankir lamar qota lakatjja barconakaw jutapjjani,
jupanakaw Asiria+ markarojj tʼaqesiyapjjani,
jupanakaw Éber lugarankirinakarojj tʼaqesiyapjjarakini.
Ukampis qʼala tʼunjataw jupanakajj uñjasipjjarakini”* sasa.
25 Ukatjja Balaam+ chachajj thakipwa sarjjäna, Balac reyisti thakipwa sarjjarakïna.