Job
36 Elihú chachajj akham saskakïnwa:
2 “Nayan qhanañchañajkamajj mä jukʼitamp paciencianikïmaya,
Dios lanti parlañatakejj arunakajajj utjaskakituwa.
3 Nayajj kuntï yatkta uka toqet jukʼampwa parläjja,
kunatï cheqapäki ukajj Luririjankatapwa nayajj qhanañchäjja.+
4 Cheqpachans arunakajajj janiw kʼarinakäkiti,
uka arunakajj khititï uñtʼañan perfectöki*+ ukan arunakapawa.
5 Cheqas Diosajj wali chʼamaniwa,+ janirakiw khitirus apanukkiti.
Jupajj chuymapan wali jachʼa yatiñaniwa.
6 Jupajj janiw jan wali jaqenakan vidap jarkʼaqkaniti,+
ukampis tʼaqesirinakarojj cheqaparjamaw uñjani.+
7 Jupan nayranakapajj cheqap jaqenakjjankiwa.+
Jupasti cheqap jaqenakarojj tronoruw reyinakjam qontʼayi,*+ jupanakajj wiñayatak jachʼañchatäpjjarakiwa.
8 Ukampis jupanakatï cadenanakamp chinuntatäpjjaspa,
tʼaqesiña pitanakamp* katuntatäpjjaspa ukhajja,
9 jupajj kuntï lurapki ukwa jupanakar qhanañchani,
jupanakan jachʼa jachʼa tukusin jucha luratanakapa.
10 Jupasti jiñchunakaparojj cheqañchäwi istʼapjjañapatakiw jistʼari,
jan walinakat jitheqtapjjañapatakiw arjjayaraki.+
11 Jupanakatï jupar istʼapjjani, servipjjarakini ukhajja,
sumar sartasaw urunakapan jakapjjani,
maranakapajj wali sumarakïniwa.+
12 Ukampis jupanakatï jan istʼasipkanejja, espadampi* jiwayatäpjjaniwa,+
jan yatiñanïsaw jiwapjjarakini.
13 Jan wali chuymani jaqenakajj* wali coleratäpjjewa.
Kunapachatï jupajj jupanakar castigki ukhajj janiw yanaptʼa mayiñatak arnaqasipkiti.
14 Jupanakajj wayn tawaqökasaw jiwarapjje,+
templonkir prostituto chachanakampiw jupanakan vidapajj tukusi.+
15 Ukampis Diosajj* tʼaqesisipki ukhaw tʼaqesirinakarojj salvi.
Jupasti kunapachatï tʼaqesipki ukhaw jupanakan jiñchunakap jistʼari.
16 Jupajj tʼaqesiñatwa jumarojj salvtamjja,+
mä jachʼa lugararuw jumarojj aparaktamjja, kawkjantï jan kunas jarkʼatäki uka lugararu,+
mesamansti suma manqʼanakaw chuymachasiñamatak utji.+
17 Ukhamasti kunjamsa jan wali jaqerojj juchañchasini ukampejj contentokïyätawa,+
kunapachatï juchañchäwejj amtatäjjani, cheqaparjam amtasirakini uka horasana.
18 Ukampis amuyasim, wal colerasitamajj jan chuyma ustʼatäñar jumarojj puriypanti,*+
janirak walja qollqe chilltayasiñampejj thakit saranukumti.
19 ¿Yanaptʼayasiñatak arnaqasitanakamati,
jan ukajj juman wal chʼamachasitamach tʼaqesiñat salviristamjja?+
20 Jan jumajj aruman puriniñap wal suyamti,
ukhaw jaqenakajj lugarapat chhaqtjjapjje.
21 Jan walinak lurañ ajlliñat sipansa,
tʼaqesiñan aguantañ ajllisim.+
22 Diosajj chʼamap kawsaw jachʼañchatäski.
¿Khiti yatichirirak jupjamasti?
23 ¿Khitirak juparojj thakip uñachayaspasti?*+
Jan ukajj ¿khitich juparojj ‘kuntï lurkta ukajj janiw walïkiti’ sasin saspa?+
25 Taqe jaqenakaw uk uñjapjje,
jiwir jaqejj jayatwa uk uñjaraki.
27 Jupaw uman chʼaqanakap apkati,+
tiempompejj uma chʼaqanakajj jallumpiru urpumpiruw tukjjaraki,
28 ukatsti qenayanakaw uk waraqtayanjje,+
jaqenakjjaruw purintayjjaraki.
29 ¿Qenayanakajj kunjam janatatatas uk khitirak amuytʼaspasti?
¿Khitirak kawkjantï jupajj jakki uka cheqat misturi qʼejjo qʼejjonak amuytʼaspasti?+
30 Kunjamsa jupajj lliju llijup* qenayanakjjar saratatayi uk uñjam,+
kunjamsa jupajj lamar qota manqharojj* umanakamp phoqanti uk uñjarakim.
32 Jupajj amparanakapampiw lliju llijunak imanti,
kawkjarutï jupajj puriyañ munki ukjaruw puriyaraki.+
33 Jupan qʼejjo qʼejjopajj jupjjatwa parli,
uywanakas jupan* jutaskatapwa arsupjjaraki.