Job
15 Elifaz+ sat temanita chachajj akham sarakïnwa:
2 “¿Mä yatiñan jaqejj chʼusa arunakampi* jaysaspati?
Jan ukajj ¿inti jalsu toqet jutir thayampich purakap phoqantani?
3 Aleq arunakamp cheqañchañajj inamayakiwa,
aleq parlañajj janiw kunans yanaptʼkarakiti.
4 Diosar ajjsarañajj janis wali valoranïkaspa ukhamwa jumajj uñjtajja,
mayninakan Diosat lupʼipjjañapsa* jarkʼaraktawa.
5 Juman arunakamajj juchanïtamwa uñachtʼayi,*
jumajj engañjir arunakamp parlañ ajlliraktajja.
6 Juman pachpa lakamaw juchañchasktamjja, janiw nayajja.
Pachpa lakamaw juma contra qhanañcharaki.+
7 ¿Taqe jaqet sipans jumat nayraqat nasta?
Jan ukajj ¿jumach jiskʼa qollunakat sipans nayraqat nasirakta?
8 ¿Diosajj alajjpachanakan parlki ukanak istʼasmati?
Jan ukajj ¿juma sapakich yatiñanïtajja?
9 ¿Nanakat sipans kunrak jumast jukʼamp yattasti?+
¿Nanakat sipans kunrak jumajj jukʼamp amuytasti?
10 Janqʼo ñikʼutaninakasa jilïr jaqenakasa nanak taypinkaskiwa,+
jupanakajj tatamat sipans jukʼamp jilïr jaqenakäpjjewa.
11 ¿Janit Diosan chuymachtʼatapajj jumatak walïki?
¿Janit suma qoña arunakamp parlapktam ukas jumatak walïki?
12 ¿Kunatsa jumajj chuymamamp apnaqayasta?
¿Kunatsa nayramajj wali colerat uñnaqe?
13 Juman chuymamajj Dios contrawa,
ukatwa jumajj ukham arunak lakamat mistuytajja.
14 ¿Kunjamarak mä jaqejj qʼomäspasti?
¿Kunjamarak warmit nasir jaqejj cheqap jaqëspasti?+
16 ¿Kunjamarak mä ajjtaskaña jan walinak luriri jaqer confiyanisti?+
¡Uka jaqejj kunatï jan walïki ukanak wal lurañ muni, kunjamtï umat pharjat* jaqejj um wal umtʼañ munki ukhama!
17 ¡Nayaw jumar may säma, istʼita!
Kuntï nayajj uñjkta uk yatiyäma,
18 kuntï yatiñani jaqenakajj cuentapki, janirak imantapki ukanaka,
jupanakajj tatanakapatwa ukanak katoqapjjaraki.+
19 Jupanakarukiw oraqejj churasïna,
janirakiw mä extranjeros jupanak taypi paskänti.
20 Jan wali jaqejj taqe urunakapanwa jan walinakamp tʼaqesi,
jakañ vidapan taqe maranakapanwa llakinakan uñjasi.
21 Jiñchunakapan ajjsarkañ suynatapaw istʼasi,+
sumankañ tiemponsti lunthatanakaw jupar jaljjatapjje.
22 Kunjamsa jupajj chʼamakat escapani uk janiw creykiti,+
jupasti mä espadampi jiwayatäñatak imatawa.
23 Jupasti manqʼa* thaqasaw muyuski, ‘¿kawkinsa utji?’ sarakiwa.
Jupajj chʼamaka urun jakʼankjjatap yatirakiwa.
24 Tʼaqesiñasa llakisiñasa wal jupar ajjsarayi,
kunjamtï mä reyejj ratuk katuntañatak jutki ukhamaw jupa contrajj jutapjjaraki.
25 Niyakejjay jupajj Dios contra amparap aytchejja,
Taqe Chʼamani Diosaruw qallasiñ yantʼaraki.*
27 Jupan ajanupajj likʼintatawa,
purakapas jachʼarakiwa.
28 Jupajj tʼunthapitäkani uka markanakanwa jaki,
jan khitis jakjjani uka utanakana,
ukampis ukanakajj qala montonanakar tukuyatäniwa.
29 Janiw jupajj qamirir tukkaniti, janirakiw walja utjirinakapsa imkataskaniti,
ni utjirinakapas oraqpachar saratatkaniti.
30 Jupajj janiw chʼamakat escapkaniti.
Jupasti kunjamatï mä qoqan* jiskʼa ramapajj ninamp nakhantatäki ukar uñtasitäniwa,
Diosan lakapan phustʼataw jupajj chhaqtjjarakini.+
31 Jan jupa pachpajj engañaspanti, janirak kunatï jan servirïki ukar confiyaspanti,
kuna laykutejj jan servirïki ukarakwa jupajj katoqani.
32 Ukasti janïra urupäkipanwa pasani,
ramanakapas janipuniw panqarkaniti.+
33 Jupajj kunjamtï mä uvas alejj janïr poqorkipan uvasanakap jalaqtayki ukhamäniwa,
kunjamtï mä olivo qoqan* panqaranakapajj willirtki ukhama.
34 Jan wali jaqenakan* tantachtʼasitapajj jan kunatak serviriwa,+
ninaw qollqe chilltayasirinakan carpanakap nakhantarakini.
35 Jupanakajj jan walinakwa pʼeqenakapan amuyapjje, kunatï mayninakar jan waltʼayki ukanakwa lurapjjaraki,
chuymanakapansti kunatï jan walïki ukanakwa amtapjjaraki”.