10 JISKTʼA
¿Kamsis Bibliajj jutir urunakatjja?
“Cheqap sarnaqer jaqenakaw oraq katoqapjjani, wiñayatakiw ukan jakapjjarakini”.
“Oraqejj wiñayatak utjaskakiniwa”.
“Jupajj wiñayatakiw jiwañarojj chhaqtayjjani, Taqe Kunjjar Munañani Jehová Dios Tatitojja taqe jaqenakan jachanakapwa picharani”.
“Uka tiemponjja juykhunakan nayranakapajj jistʼaratäniwa, oqaranakan jiñchunakapas istʼapjjaniwa. Uka tiemponjja cojo jaqejj tʼijnaqaniwa, kunjamtï mä venadojj mä qollur tʼijkatki ukhama, amut jaqejj kusisiñatwa arnaqasini. Wasaranjja umajj jalsuniwa, wasar pampanjja jawiranakajj wal jaltatarakini”.
“Diosajj taqe jachanakapwa nayranakapat picharani, janiw jiwañajj jukʼamp utj-jjaniti, janirakiw llakisiñasa, jachañasa ni usuyasiñasa jukʼamp utj-jjaniti. Kunanakatï nayrajj utjkäna ukanakajj tukusjjewa”.
“Jupanakajj utanakwa utachasipjjani, ukanwa jakapjjarakini, uvasanakwa yapuchasipjjani, achunakapwa manqʼapjjarakini. Janiw yaqhanakan jakapjjañapatakejj utanak utachapkaniti, janirakiw yaqhanakan manqʼapjjañapatakejj yapuchapkaniti. Kuna laykutejj qhawqha tiempotï mä qoqajj jakki ukha tiemporakiw markajajj jakani, ajllitanakajajj kuntï trabajisajj jikjjatapkani ukanakampejj wal kusisipjjani”.