¿KUNJAMATSA ESTRÉS USUMPEJJ JAN AYNACHTʼKSNA?
Jan estresata jakañajj utjaspawa
Bibliajj jan ina chʼusat estresasiñatakiw yanaptʼistu. Kunanakatï estresaykistu uk janiw jiwasajj chhaqtayksnati, Diosakiw uk chhaqtayaspa. Jupajja, Jesucristoruw jiwasanakar yanaptʼañapatak uttʼayawayi. Jesusajja, niyaw kunanaktï aka oraqenkkasajj lurkäna ukat sipan jukʼampinak lurani. Jichhajj ukanakat mä qhawqha uñjañäni.
JESUSAW USUTANAKAR QOLLANI
‘Ukatsti kunayman usunakampi tʼaqesiyat jaqenakaruw jupan ukar apanipjjäna. Jupasti taqeniruw qolläna’ (MATEO 4:24).
JESUSAW UTSA MANQʼAÑSA CHURISTANI
“Jaqenakasti utanak utachasipjjani, ukan jakasipjjarakini, uvanak yapuchasipjjani, uka yaputjja manqʼasipjjarakini. Janiw ukanjja maynejj yaqhan jakasiñapataki utachkaniti, janirakiw maynejj yapuchkaniti mayninakan askipatakikejja” (ISAÍAS 65:21, 22).
JESUSAW SUMAN JAKASIÑA, JAN AJJSARAS JAKASIÑ AKA ORAQER APANINI
‘Aski kankañajj urunakapan panqarpan, sumankañasti phajjsin tukusiñapkam utjpan. Maysa lamar qotat maysa lamar qotkam apnaqpan, Éufrates jawirat qalltasa, aka oraq tukuskama. Enemigonakapas laqʼa jallqʼapjjarakpan’ (SALMO 72:7-9).
JESUSAW INA CHʼUSAT TʼAQESIÑANAK CHHAQTAYANI
“Jupaw jan kunan jaqenakat khuyaptʼayasini, aynachtʼat jaqerus yanaptʼani, jan kunan jaqenakan jakañapsti qhespiyarakini. Jupaw tʼaqhesiñ taypit waysuni” (SALMO 72:13, 14).
JESUSAW TʼAQESIÑSA JIWAÑSA TUKJANI
“Janiw jiwañajj jukʼamp utj-jjaniti, janirakiw llakisiñasa, jachañasa ni usuyasiñasa jukʼamp utj-jjaniti” (APOCALIPSIS 21:4).