Jesusan jaktäwipata Pabloru katuntapkäna ukhakama

Jesusax kimsüru jiwatäxäna ukhaxa jaktayatäxänwa. Uka uruxa phisqa kutiw arkirinakapar uñstäna. Pusitunka urunakawa uñstaskakïna. Ukatxa mä qhawqha arkirinakapan uñjkataw alaxpacharu kutkatawayxäna. Tunka uru pasatatxa Jesusan arkirinakapaxa Jerusalenankasipkänwa, ukhaw Diosax qullan ajayupa jupanakxaru apayanïna.

Ukat mä qhawqha urunakatxa, Diosar uñisirinakaw apostolanakaruxa carcelar katuntayapxäna, ukat mä angelaw carcelat apsxäna. Ukat Estebanaxa uñisirinakampi kʼupjataw jiwxäna. Ukampis Jesusax uka kʼupjirinak taypitwa mä suma yanapir ajllisïna, jupaw apóstol Pablo satäxäna, ukanakwa yatiqañäni. Jesusan jiwatapatxa kimsa mara chikataniw pasxäna, ukhaw Diosax apóstol Pedrorux Cornelior ukhamaraki familiapar yatiyirix khitäna, Corneliox janiw Judá markatäkänti jan ukasti yaqha markankirïnwa.

Tunka kimsani mara pasatatxa Pablox Diosat yatiyiriw saräna, ukax nayrïr saräwipänwa. Payïrinxa Timoteompiwa saräna. Pablorusa jupamp chika saririnakarusa wali muspharkañanakaw pasatayna Diosatak irnaqir sarasipkäna ukhaxa. Ukatxa Pablox Roman carcelankänwa. Ukat pä marat mistxarakïnwa, ukampis wasitampiw katuntapxäna ukatwa jiwayxapxäna. Ukhamax PAQALLQU Jaljäwinxa 32 mara sarnaqäwinakatwa parlasi.