¡Wiñayan wiñayapataki kusisita aka Uraqin jakasim!

Aka folletox luratawa akanaka yatiñamataki: khitis aka Uraq luri ukat khitis uraqxankiri taqi kuns luraraki. Uraq lurir Diosax sutinïtapsa yatiqarakïtawa. Yatichapxarakïmawa kunatsa Diosax jaqiru luräna ukatsti kunjamsa jumax wiñayan wiñayapataki kusisita aka Uraqina jakasisma.

Ukanak sum amuyañatakixa, aka walja dibujonakampi yanaptʼasiñamwa munapxta. Jukʼampi yatiqañatakixa dibujonakawjankiri Biblian jiskʼa tʼaqanakapwa liytʼañama. Ukhamani ukhaxa, jumapachawa liytʼasma Bibliankiri Diosan mä qhawqha suma arsutanakapa, uka arsutanakaru phuqhasïwipa katuqañatakixa Diosax kun lurañamaw siski uksa liytʼarakismawa.

Aka folletompix inas yaqhanakaru yanaptʼañ munchisma. Wawanakanïsta ukhaxa wawanakamaruw yanaptʼasma Diosat yatiqapxañapataki. Markamantï jan liytʼasiñ yatiri jilïrinakaxa utjchi ukhaxa dibujonakampiw jupanakarux yanaptʼarakisma Diosan amtanakapa yatipxañapataki, ukat jupanakaxa uta jakʼankirinakaparusa yanaptʼapxarakispawa.

Taqi chuymaw munapxta, aka folletot yatiqataxa mä thakjam jumatakix jistʼararapiristam walja aski churäwinaka katuqañamataki, ukhamaraki, yaqhanakarusa yanaptʼarakisma kunjamatsa wiñayan wiñayapataki kusisita aka Uraqin jakasipxaspa.