Qhipäx tapa

FAMILIAX nayratpachpunwa aka Uraqin utjatayna, ukampis aka urunakanxa sinti jan walinakan uñjasipxi. Qʼaxu wayn tawaqunakaw jan wali qullanakampi qulljasipxi, ukat qʼañu luräwinakan sarnaqapxi, maysa tuqitxa walja familianakan nuwasipxi jan ukax usuchjasipxi, ukatxa walirakiw jan awkini jan ukax jan taykani familianakax uñstaski, ukat kunayman jan walinakaw familiar jan waltʼayaski, ukatwa yaqhipax familia tuqitxa wal payachasipxi.

Ukampis ¿familianakax sum jakasipxaspati, ukhamat taqinis kusisita sarnaqasipxañapataki? Jïsa, kunjamatsa familiasan sum jaksna uka tuqit yatipki ukanakaw sum jakasipxaspa. Ukax janiw jan yatiñjamäkiti. Walja maranakaw jaqinakax ukarjam sarnaqasasa jan ukax yatxatasasa wali sum jakasipxi. ¿Ukax kawkïrisa? Aka librowa: Familian sum jakasiñatakixa kunas munasi satawa, wali suma yatichäwinakaniwa. Familiasax jan walin uñjasini ukhax kunas uka jan walinak askichañ yanaptʼistaspa ukanakwa sum qhanañcharaki. Jichhürunakanxa taqiniw uka yatichäwinakatakïtanxa.