Tukuyañataki

¿Diosan markapankasajj kunja kusisitas jikjjatasiyäta ukanak amtasisktati? Inas mä suma tantachäwita, mä asambleat amtasisksta, inas predicasajj mä suma experiencianïsta, jan ukajj jilat kullakanakampi sum parltʼasisajj kunja kusisitas jikjjatasirïta ukanak amtasisksta. Ukhamächi ukhajja, janiw Jehová Diosat armasktati. Jupajj janirakiw jumat armaskiti, kunjamsa jumajj taqe chuyma jupar serviwayta uk amtasiskiwa. Ukatwa markapar kuttʼaniñamatakejj wal yanaptʼañ muntamjja.

Jehová Diosajj akham siwa: “Naya pachpaw ovejanakajar thaqasin uñjarakï. Kunjamtï mä awatirejj anatatat ovejanakapar katunki manqʼaykaraki ukar uñtasitaw nayajj ovejanakajar uñjarakëjja. [...] Kawkja cheqanakarutï anatatatäpkäna taqe uka lugaranakatwa jupanakar salväjja” sasa (Ezequiel 34:11, 12).