¿Bibliat yateqkasajj kunas jukʼamp sum yatjjatañatakejj yanaptʼiristam?
Janïr aka librot yateqañ qalltkasajj aka página liytʼam. Ukatjja VIDEO uñtäta.
NAYRÏR PARTE
Janïr yateqkasajja, juma pachpaw sapa yatichäwin nayrïr partep liytʼäta. Jisktʼanakajj numeromp uchatawa (A), kawkïr textonakatï chʼiyartʼayatäki ukanakajja (B), wakiskir puntonakwa qhanstayi. Yaqhep textonakajj “liytʼäta” sasin uchatarakiwa.
PAYÏR PARTE
“Jukʼamp yatjjatañäni” sat cheqan nayrïr parrafopajja, kunanakatsa yatjjatasini ukanakwa qhanañchi (C). Numertʼat pʼeqeñchäwinakajja, wakiskir yatichäwinak qhanstayañatakiwa (D). Yatichirimamp chikajja textonak liytʼam, jisktʼanakar qhanañchtʼam, videonaksa uñtarakim.
VIDEONAKA. Uka cheqanakanjja yatichäwinak sum amuytʼañatak videonakwa jikjjatäta. Uka videonakat yaqhepajja jilat kullakanakan experiencianakapawa. Yaqhepanakasti dremostracionanakjam luratarakiwa, janiw cheqpachapun paskiti, ukampis kunanakas pasaspa ukwa uñachtʼayi.
Fotonaksa dibujonaksa sum uñjjattʼam, qhanañchäwinakapsa liytʼarakim (E), ukatjja “Yaqhepanakajj akham sapjjewa” siski ukarojj kamsasmasa uka toqetsa pienstʼarakim (F).
KIMSÏR PARTE
Yatichäwinakajj “¿Kunsa yateqawaytan?”, “Amtañataki” ukanakampiw tukuyi (G). Kuna fechansa mä yatichäwi tukuyta uk qellqtʼasim. “Ak lurañ amtam” siski uka recuadronjja, Bibliat yatjjatkasin nayrar sartañatak ewjjtʼanakwa jikjjatäta (H). “Jukʼamp yatjjatañamataki” cheqanjja, yatichäwinakampi videonakampwa jikjjatarakïta (I).
¿Kunjamsa mä texto Biblian jikjjatasma?
Bibliajj 66 libronakaniwa, payar jaljatarakiwa: Hebreo-Arameo Arunakat Qellqatanaka, Griego Arut Qellqatanaka. Yaqhep jaqenakajja Antiguo Testamento, Nuevo Testamento sasinwa uñtʼapjjaraki.
Aka libron mä textojj uñstki ukhajja, nayraqatajj libron sutipaw uñsti (A), sutjjar uñstki uka nayrïr numerojj capítulo sañ muni (B), ukjjar uñstki uka numerosa jan ukajj numeronakasa, versículo jan ukajj versiculonaka sañwa munaraki (C).
Amuytʼañataki, Juan 17:3 textojja “Juan libro, capítulo 17, versículo 3” sañ muni.