Alcoholani umañanaka
Bibliarjamajja, ¿alcoholani umañanak umtʼañajj walikïskiti?
Sl 104:14, 15; Ec 9:7; 10:19; 1Ti 5:23
Bibliankir aka sarnaqäwiw yanaptʼistaspa:
Jn 2:1-11. Jesusajj mä casarasïwin um wali suma vinoruw tukuyäna, ukhamatwa casarasirinakajj phenqʼachat jan uñjasipkänti. Ukajj Jesusan nayrïr milagropänwa.
¿Machantasiñajj kunatsa jan walïki?
Jehová Diosan servirinakapajj ¿kunsa machantasiñ toqet amuyapjje?
1Co 5:11; 6:9, 10; Ef 5:18; 1Ti 3:2, 3
Bibliankir aka sarnaqäwinakaw yanaptʼistaspa:
Gé 9:20-25. Noé chachan machantasitap laykuw allchhipajj juchar purtʼasïna.
1Sa 25:2, 3, 36. Nabal chachajj jan walinak luriri qhoru jan ukajj phiru jaqënwa, jan phenqʼaniw sarnaqerïna, ukatjja jan amuyasiñkamaw machantasirïna.
Da 5:1-6, 22, 23, 30, 31. Belsasar reyejj vino wal umantasajj Jehová Dios contraw jan walinak parläna, ukham luratapatjja uka arumpachaw jiwayat uñjasïna.
Alcoholani umañanak umtʼkañäni ukhajja, ¿kunatsa machantasiñkam jan umjasiñasäki?
Mä jilatatï nayrajj alcohol wal umirïchïna ukhajja, ¿kunjamsa juparojj yanaptʼsna?
Ro 14:13, 21; 1Co 13:4, 5; 1Te 4:4
“Munañasampi jan apnaqayasiña” sat yatichäwi uñjjattʼarakïta.