Aguantaña
¿Kunatsa Jehová Diosan servirinakapajj aguantapjjañapa?
Predicktan ukhajj yaqhep jaqenakajj janiw istʼañ munapkistuti yaqhepasti jiwas contraw saytʼapjjaraki, ukham pasatapat ¿kunatsa jan aynachtʼañasäki?
Mt 10:22; Jn 15:18, 19; 2Co 6:4, 5
Bibliankir aka sarnaqäwinakaw yanaptʼistaspa:
2Pe 2:5; Gé 7:23; Mt 24:37-39. Noé chachajj ‘kunatï cheqapäki uk yatiyirïkchïnsa’, jilapart jaqenakajj janiw jupar istʼapkänti, ukatwa Noé chachajj familiapampik uma juiciot salvasipjjäna.
2Ti 3:10-14. Apóstol Pablojj jupjam aguantañapatakiw Timoteor chʼamañchtʼäna.
Familiaranakasatï Jehová Diosar serviñas jarkʼistani ukhajja, ¿kunatsa jan aynachtʼañasäki?
Bibliankir aka sarnaqäwinakaw yanaptʼistaspa:
Gé 4:3-11; 1Jn 3:11, 12. Cainajj Abel jilaparuw jiwayäna, kuna laykutejj Cainan luräwinakapajj jan walipunïnwa, jilapan luräwinakapasti cheqapänwa.
Gé 37:5-8, 18-28. Joseajj kuntï samkaskäna uk jilanakapar awisäna ukhajja, jupanakajj mä pʼiyaruw jaqontapjjäna, ukatsti 20 metal qollqenakaruw ismaelitanakar aljapjjarakïna.
Arknaqat uñjasktan ukhajja, ¿kunatsa jiwañar jan ajjsarañasäki?
Ap 2:10 uñjjattʼarakïta.
Bibliankir aka sarnaqäwinakaw yanaptʼistaspa:
Da 3:1-6, 13-18. Nabucodonosor reyin amenazatpachasa Sadrac, Mesac ukat Abednego waynanakajj janiw mä estatuar adorapkänti.
Hch 5:27-29, 33, 40-42. Predicasipkakïta ukhajj jiwayataw uñjasipjjäta sasin amenazatpachasa apostolonakajj predicasipkakïnwa.
Cheqañchat uñjaskañäni ukhajja, ¿kunas Jehová Diosat jan jitheqtañatak yanaptʼistaspa?
Bibliankir aka sarnaqäwinakaw yanaptʼistaspa:
Nú 20:9-12; Dt 3:23-28; 31:7, 8. Moisesajj Jehová Diosamp cheqañchat uñjaskäna ukhajj wali llakitaw jikjjatasïna, ukampis jupajj jan jitheqtasaw Diosar jiwañkam serviwayäna.
2Re 20:12-18; 2Cr 32:24-26. Jehová Diosan profetapajj Ezequías reyir cheqañchkäna ukhajja, reyejj istʼasïnwa Jehová Diosarus jan jitheqtasaw serviskakïna.
Mayninakajj Jehová Diosar serviñat jitheqtapjje ukhajja, ¿kunatsa aguantañajj chʼamakïspa?
Bibliankir aka sarnaqäwinakaw yanaptʼistaspa:
Sl 73:2-24. Jan wali jaqenakar kusisita sumankañan jakasir uñjasajja, salmistajj Jehová Diosar servitapat payachasjjänwa.
Jn 6:60-62, 66-68. Jesusar arkañat waljanis jitheqtapkchïnjja, apóstol Pedrojj Diosar confiyatapatwa Jesusat jan jitheqtkänti.
¿Kunas aguantañatakejj yanaptʼistaspa?
Jehová Diosat katjjarusiña
Diosan Arupat jukʼamp yatjjataña ukhamarak Arupat lupʼiña
Jehová Diosar jan jaytjas taqe chuyma orasiña
Bibliankir aka sarnaqäwinakaw yanaptʼistaspa:
Da 6:4-11. Daniel profetajj sapüruw Diosar orasïna, vidap aptʼasirjamäkasas mayninakan uñjkatajj orasiskakïnwa.
Mt 26:36-46; Heb 5:7. Jesusajj janïr jiwayatäkäna uka arumajja, Jehová Diosarojj taqe chuymapuniw orasïna, mayninakarojj ukham lurapjjañapatakiw ewjjtʼarakïna.
Jehová Diosar adorañatak jilat kullakanakamp tantachasiña
Jehová Diosajj kuntï churkistani ukanakat lupʼiña
Jehová Diosaru ukhamarak jilat kullakanakar jukʼamp munasiña
Diosar jukʼamp confiyaña
Kuna laykus tʼaqestan uk jan armaña
Diosat jan jitheqtas jan walinak aguanttan ukhajja, ¿kuna askinaksa jikjjattanjja?
Jehová Diosaruw jachʼañchtanjja
Pr 27:11; Jn 15:7, 8; 1Pe 1:6, 7
Bibliankir aka sarnaqäwinakaw yanaptʼistaspa:
Job 1:6-12; 2:3-5. Jaqenakajj Diosamp jarkʼaqayasiñ laykukiw jupar servipjje sasaw Supayajj arsüna, ukampis Job chachajj aguantasaw Supayan kʼarisitap qhanstayäna.
Ro 5:19; 1Pe 1:20, 21. Adanat sipansa Jesusajj jiwañkamaw Diosat jan jitheqtas aguantäna, ukhamatwa jan walinakan uñjaskasas kunjamsa maynejj Diosat jan jitheqtas aguantaspa uk uñachtʼayäna.
Mayninakaruw aguantapjjañapatakejj yanaptʼtanjja
Aguantatasajj jukʼamp sum predicañatakiw yanaptʼistu
Jehová Diosaruw kusisiytanjja, jupasti bendisistuwa
Mt 24:13; Lu 21:19; 1Co 15:58; Heb 10:36
Ro 2:6, 7; Snt 1:12 uñjjattʼarakïta.