Khuyapayasiña
¿Kunas Jehová Diosan suma Diosätap uñachtʼayi?
Sl 25:8; 31:19; Ro 3:23, 24; Tit 3:3-6; Heb 2:9; 1Pe 5:5; 3Jn 11
Jer 31:12, 13; Zac 9:16, 17 uñjjattʼarakïta.
Bibliankir aka sarnaqäwinakaw yanaptʼistaspa:
Éx 33:17-20; 34:5-7. Jehová Diosajj mä visionwa Moisesar uñjayäna, ukanjja Jupajj kunja khuyapayasirisa kunja suma chuymanisa ukanakwa uñachtʼayäna.
Jon 3:10; 4:11. Jehová Diosajja arrepentisiri ninivitanakat khuyaptʼayasisajj perdonänwa, uka markankir animalanakat llakisitapsa uñachtʼayarakïnwa.
Mr 10:17, 18. Jesusajja ‘taqe kunanakatï sumäki ukajj Jehová Diosatwa juti, kunatï sumäki uk Jupakiw sistaspa’ sasaw qhanañchäna.
Lu 6:32-36. Jesusajj Jehová Diosjam khuyaptʼayasirïñwa yatichistu; Diosajj jan yuspärasir jaqetsa jan wali jaqetsa khuyaptʼayasiwa.
¿Kunatsa mayninakarojj khuyapayasiñamp uñjañasa?
Ro 15:2, 14; Ef 4:28 uñjjattʼarakïta.
Bibliankir aka sarnaqäwiw yanaptʼistaspa:
Ro 5:7. Apóstol Pablojja ‘cheqapar sarnaqer jaqëñat sipansa, khuyapayasirïñaw jukʼamp importantejja’ sasaw säna.
¿Kunjamsa mayninakat khuyaptʼayasitas uñachtʼaysna?
Pr 19:17; 22:9; Lu 6:35; Ef 4:32
Pr 11:17; 31:10, 26; Heb 13:16 uñjjattʼarakïta.
Bibliankir aka sarnaqäwinakaw yanaptʼistaspa:
Mr 14:3-9; Jn 12:3. Lazaron María kullakapajja wali wajjtʼasirïnwa, Jesusarus khuyapayasiñampiw uñjäna. Ukatwa Jesusajj Mariar felicittʼäna.
2Ti 1:16-18. Pablojj carcelan jistʼantat uñjaskäna ukhajja, Onesíforo chachaw jupar wal chʼamañchtʼäna.
¿Kunanakas khuyapayasiñ taypinki?
Bibliankir aka sarnaqäwinakaw yanaptʼistaspa:
Sl 51:1, 2. David reyejja Jehová Diosarojj jupat khuyaptʼayasiñapatakiw ruwtʼasïna, “pantjasitajat perdontʼasikitaya, juchajatsa qʼomachtʼasikitaya” sasaw ruwtʼasirakïna.
Lu 10:29-37. Kunjamsa maynejj jaqe masipar cheqpachapun munasitapsa, khuyaptʼayasitapsa uñachtʼayaspa uk yatichañatakejja, Jesusajj samaritano jaqetwa parläna, uka samaritanojj mä judío jaqet wal khuyaptʼayasïna.
¿Kunatsa taqenejj khuyapayasiñamp uñjatäñ muntanjja?
1Re 8:46-50 uñjjattʼarakïta.
¿Jehová Diosan wali khuyapayasirïtap kunjamatsa yattanjja?
Éx 34:6; Ne 9:17; Sl 103:8; 2Co 1:3
Bibliankir aka sarnaqäwinakaw yanaptʼistaspa:
Job 42:1, 2, 6-10; Snt 5:11. Jehová Diosajj khuyapayasiñampiw Job chachar uñjäna, kunatsa mayninakat khuyaptʼayasiñajj wali wakiskiri uks jupar yaticharakïnwa.
Lu 15:11-32. Jehová Diosan khuyapayasiñapajj kunjamasa uk yatichañatakejja, jan istʼasir yoqapar perdoniri mä awkitwa Jesusajj parläna.
¿Kunatsa Jehová Diosajj khuyapayasiñamp taqenir uñjistu?
Tit 3:4, 5 uñjjattʼarakïta.
Jesucriston jiwas layku jiwatapajja, ¿kunjamsa juchanakasan perdonatäñapatak yanaptʼistu?
¿Kunatsa Jehová Diosarojj jiwasat khuyaptʼayasiñapatak mayisiñasa, ukat jiwasat khuyaptʼayasitapat kunatsa yuspärañasapuni?
Bibliankir aka sarnaqäwinakaw yanaptʼistaspa:
Sl 51:1-4. David reyejj juch luratapat wali aynachtʼatäkäna ukhajja, Jehová Diosaruw humilde chuymamp ‘khuyaptʼayasita perdontʼita’ sasin ruwtʼasïna.
Lu 18:9-14. Jehová Diosajj kunjamsa humilde chuymanïpki ukanakat khuyaptʼayasi uk uñachtʼayañatakejja, Jesusajj mä sarnaqäwitwa parläna.
Jachʼa juchanak lurapki ukanakat Jehová Diosajj khuyaptʼayasirakispawa, ¿kunjamatsa uk yattanjja?
Bibliankir aka sarnaqäwinakaw yanaptʼistaspa:
2Cr 33:9-13, 15. Manasés reyejj sinti jan wali jaqëkasas arrepentisïnwa, Jehová Diosarus jupat khuyaptʼayasiñapatakiw ruwtʼasïna. Uka qhepatjja mayampiw Manasesajj reyëjjäna, janirakiw jan walinaksa lurjjänti.
Jon 3:4-10. Ninivitanakajj wali nuwasiri ukat jaqenak jiwayiri ukhamäpjjänwa, ukampis kunapachatï taqe chuyma arrepentisipkäna ukhajja Diosajj jupanakat khuyaptʼayasïnwa.
Jiwasatï Jehová Diosamp khuyaptʼayatäñ munstan ukhajja, ¿kunatsa juchanakas arsusiñasa, ukat cambiañasaraki?
Jehová Diosajj jiwasat khuyaptʼayaskchinisa, juchanak luratasat jan walinakanwa uñjasiñäni, inas cheqañchatas uñjasirakchiñäni
¿Kunatsa jiwasajj khuyaptʼayasir jaqëñasa?
Jiwasatï mayninakat jan khuyaptʼayasksna ukhajja, ¿Jehová Diosamp sum apasitasarojj kunas pasaspa?
Pr 21:13 uñjjattʼarakïta.
Bibliankir aka sarnaqäwinakaw yanaptʼistaspa:
Mt 18:23-35. Jiwasatï jaqe masisat jan khuyaptʼayaskañäni ukhajja, Jehová Diosajj janirakiw jiwasat khuyaptʼayaskaniti. Uk sum qhanstayañatakejja Jesusajj mä uñachtʼäwitwa parläna.
Lu 10:29-37. Kunjamtï mä samaritanojj jaqe masipat khuyaptʼayaskänjja ukhamarakiw jiwasajj khuyaptʼayasiñasa, Jehová Diosarusa Jesusarus ukham jaqenakaw gusti; jan khuyaptʼayasirïpki uka jaqenakajj jupanakat wali jayankiwa.