Maynir jachʼañchañatak sutiñchanaka
¿Falso religionankir jaqenakjamarakit cristianonakajj jaqenakar jachʼañchañasa?
Bibliankir aka sarnaqäwiw yanaptʼistaspa:
Lu 18:18, 19. Jesusajj suma jaqëkchïnsa, “janiw khiti jaqes sumäkaspati, jan ukasti Diosakiw sumajja” sasaw säna, janirakiw “suma yatichiri” sayasiñs munkänti.
Cheqpach cristianonakajja, ¿kunatsa “awki” jan ukajj “pʼeqtʼirinaka” sasin jan khitirus sapjjañapäki?
Bibliankir aka sarnaqäwinakaw yanaptʼistaspa:
Mt 23:9-12. Jesusajj ‘jan khitirus aka oraqen awki jan ukajj pʼeqtʼiri sapjjamti’ sasaw säna.
1Co 4:14-17. Waljanis apóstol Pablorojj mä awkirjam uñjapkchïnjja, cristianonakajj janiw juparojj “Tata Pablo” sasin sapkänti.
Cristianonakajj maynit maynikamaw “jilata” jan ukajj “kullaka” sasin sasipjje, ¿kunatsa ukham sasipjjatapajj walikïski?
Hch 12:17; 18:18; Ro 16:1 uñjjattʼarakïta.
Bibliankir aka sarnaqäwiw yanaptʼistaspa:
Mt 12:46-50. Jehová Diosan servirinakapajj jilat kullakanakjamaw sum apasipjjani sasaw Jesusajj qhanañchäna.
Gobernantenakaru, juezanakaru, jan ukajj autoridadanïpki ukanakar jachʼañchtʼas aruntañajj walikïskiwa, ¿kunatsa ukham sistanjja?
Bibliankir aka sarnaqäwiw yanaptʼistaspa:
Hch 26:1, 2, 25. Apóstol Pablojj Agripa ukat Festo gobernadoranakamp parlkäna ukhajja, wali respetompiw jupanakarojj jachʼañchtʼas parläna.