Jesucristo
Jehová Diosan voluntadap phoqañatakejja, ¿kuna wakiskir luräwsa Jesusajj katoqawayi?
Hch 4:12; 10:43; 2Co 1:20; Flp 2:9, 10
Pr 8:22, 23, 30, 31; Jn 1:10; Ap 3:14 uñjjattʼarakïta.
Bibliankir aka sarnaqäwinakaw yanaptʼistaspa:
Mt 16:13-17. Apóstol Pedrojja, Jesusarojj “jumajj Cristötawa, jakkir Diosan Yoqapätawa” sasaw säna.
Mt 17:1-9. Jesusajj kimsa apostolonakap nayraqatan kʼajkiriruw tuküna, ukat alajjpachat Jehová Diosajj akham sanïnwa: “Jupajj wali munat Wawajawa” sasa.
Taqe jaqenakat sipansa ¿kunansa Jesusajj mayjajja?
Jn 8:58; 14:9, 10; Col 1:15-17; 1Pe 2:22
Bibliankir aka sarnaqäwinakaw yanaptʼistaspa:
Mt 21:1-9. Jesusajj Jerusalenar asno qalljjar qonjjatat mantäna ukhajj mä profeciaw phoqasïna, ukhamatwa jupajj Jehová Diosan ajllit Reyipätap uñachtʼayäna.
Heb 7:26-28. Jesusajj Jilïr Jachʼa Sacerdotjamajja, mayni sacerdotenakat kunansa jan igualäki ukwa apóstol Pablojj qhanañchäna.
Jesusan milagronakapajj ¿kunsa jupatsa Awkipatsa yatichistu?
Bibliankir aka sarnaqäwinakaw yanaptʼistaspa:
Mt 4:23, 24. Jesusajj demonionakat sipansa jukʼamp chʼamanïtapwa uñachtʼayäna, taqe usunak qollañatakis chʼamanirakiwa.
Mt 14:15-21. Jesusajj phesqa tʼantʼampi pä chawllamp aptasajj mä milagro toqew waljaptayäna, ukhamatwa manqʼat awtjat walja jaqenakar manqʼayäna.
Mt 17:24-27. Pedron impuesto pagañapatakejja Jesusajj mä milagro luräna, ukhamat impuesto cobririnakajj jan mayjtʼasipjjañapataki.
Mr 1:40, 41. Jesusajj lepra usuni mä jaqet khuyaptʼayasisajj qollänwa, ukham luratapajj usutanakar cheqapun qollañ munatapwa uñachtʼayistu.
Mr 4:36-41. Jesusajj wali jachʼa thayaruw tʼakurayäna, ukham luratapajj Jehová Diosat chʼam katoqatapwa uñachtʼayistu.
Jn 11:11-15, 31-45. Lázaro amigopajj jiwjjäna ukhajja Jesusajj wal jachäna, ukat Lazaror jiwatat jaktayasajj jiwañar wal uñisitapwa uñachtʼayistu.
¿Predickasajj kuna toqetsa Jesusajj jukʼamp parlirïna?
¿Jesusajj aka oraqenkkäna ukhajj kunjamänsa? Jupajj kunjam chuymanïnsa ukanakat mä qhawqhanak uñjañäni.
Fácil jakʼachaskayänwa: Mt 13:2; Mr 10:13-16; Lu 7:36-50.
Humilde chuymanïnwa: Mt 11:29; 20:28; Jn 13:1-5; Flp 2:7, 8.
Istʼasirïnwa: Lu 2:40, 51, 52; Heb 5:8.
Jan ajjsarirïnwa: Mt 4:2-11; Jn 2:13-17; 18:1-6.
Munasirïnwa: Jn 13:1; 14:31; 15:13; 1Jn 3:16.
Sinttʼasiri ukat khuyaptʼayasirïnwa: Mr 5:25-34; Lu 7:11-15.
Yatiñanïnwa: Mt 12:42; 13:54; Col 2:3.
¿Kunatsa Jesusajj jiwäna, ukat kunjamsa jiwatapajj yanaptʼistu?
Jesusajj Reyit apnaqañatak uttʼayatäjjewa, ¿kunjamsa uk yatiñajj kusisiyistu?
Sl 72:12-14; Da 2:44; 7:13, 14; Ap 12:9, 10
Bibliankir aka sarnaqäwinakaw yanaptʼistaspa:
Sl 45:2-7, 16, 17. Uka textonakarjamajja, Jehová Diosan ajllitäki uka Reyejj taqe uñisirinakaparuw tukjani, ukat ‘humilde chuyman jaqenak layku, kunatï cheqäki, kunatï cheqapäki ukanak laykuw nuwasini’.
Is 11:1-10. Jesusajj apnaqjjani ukhajja, aka oraqejj sumankañan mä suma paraisöjjaniwa.