Oración
Jehová Diosajj oracionanakasar istʼatapsa jaysatapsa ¿kunjamatsa yattanjja?
Sl 66:19; Hch 10:31; Heb 5:7 uñjjattʼarakïta.
Bibliankir aka sarnaqäwinakaw yanaptʼistaspa:
1Re 18:36-38. Eliasajj Baal diosan profetanakapampïkäna ukhajja, Jehová Diosajj jankʼakiw Eliasan oracionap istʼäna.
Mt 7:7-11. Jehová Diosajj wali munasiri Awkiwa, juparojj orasipkakim istʼapjjarakïtamwa sasaw Jesusajj chʼamañchtʼistu.
¿Cristianonakajj khitirukis orapjjañapa?
¿Khitin sutipjjarus orañasa?
¿Jehová Diosajj khitinakan oracionanakaps istʼi?
¿Jehová Diosajj khitinakan oracionanakaps jan istʼki?
Pr 15:29; 28:9; Is 1:15; Miq 3:4; Snt 4:3; 1Pe 3:7
Bibliankir aka sarnaqäwinakaw yanaptʼistaspa:
Jos 24:9, 10. Jehová Diosajj janiw Balaam chachan oracionap istʼkänti, kuna laykutejj uka chachan oracionapajj janiw Diosan munañaparjamäkänti.
Is 1:15-17. Jehová Diosajj janiw israelitanakan oracionanakap istʼkänti, kuna laykutejj jupanakajj kʼari chuymaniruw tukusipkäna, ukatjja walja jaqenakar jiwayapjjatapat juchanïpjjarakïnwa.
¿Kamsasas oracionanakas tuktʼaytanjja, ukat kunatsa?
¿Bibliarjamajj qonqortʼasisapunit orasiñasa?
Diosar adorañatak tantachasipki ukhajja, ¿kuna toqenakatsa Jehová Diosan servirinakapajj orapjjañapa?
Bibliankir aka sarnaqäwinakaw yanaptʼistaspa:
1Cr 29:10-19. Templotak donacionanakajj apthapiskäna ukhajja, David reyejj taqe congregación nayraqatanwa Jehová Diosar jachʼañchäna.
Hch 1:12-14. Apostolonakampi, Jesusan mamitapampi, Jesusan jilanakapampi ukat Diosar taqe chuyma serviri yaqhep warminakampejja Jerusalenan mä altus utanwa orasipkäna.
Mayninak nayraqatan ortan ukhajja, ¿kunatsa jachʼa jachʼa tukusa mayninakar musparaykir jan orañasäki?
¿Kunatsa janïr manqʼaskasajj orasiñasa?
¿Kunatsa Jehová Diosar orañ janipun jaytañasäki?
Ro 12:12; Ef 6:18; 1Te 5:17; 1Pe 4:7
Bibliankir aka sarnaqäwinakaw yanaptʼistaspa:
Da 6:6-10. Daniel profetajj mayninakan uñjkat oratapat jiwayataw uñjasispäna, ukampis jupajj jan jaytasaw Jehová Diosar oraskakïna.
Lu 18:1-8. Jesusajj jan cheqapar uñjiri mä juezatwa parläna, uka juezajj mä warmin jupan ukar jan jukʼamp sarjjañapatakejj mayitaparojj istʼänwa. Uka toqet parlasajja alajjpachankir Awkisajj kunjamasa ukwa qhanstayäna; Jupajj taqe kuns cheqaparjamaw luri, kuntï servirinakapajj kutin kutin mayisipki ukarus istʼarakiwa.
Diosar perdón mayisktan ukhajja, ¿kunjam chuymampis jupar orañasa?
Bibliankir aka sarnaqäwinakaw yanaptʼistaspa:
2Re 22:11-13, 18-20. Josías reyin humillasitapatsa Diosatakejj kunatï walïki uk luratapatsa, Jehová Diosajj khuyapayasiñampiw jupar uñjäna.
2Cr 33:10-13. Manasés reyejj humilde chuymampiw Jehová Diosar orasïna, ukatwa Diosajj jupar perdonasajj mayamp reyit uttʼayäna.
¿Jehová Diosamp perdonatäñatakejj kunsa lurañasa?
Orasktan ukhajj ¿kunatsa ‘Diosan munañapajj luraspan’ sasin sañasapuni?
¿Kunatsa oracionanakasajj alajjpachankir Awkisar confiyatap uñachtʼayañapa?
¿Kunanaksa oracionanakasan maysna?
Diosan sutip jachʼañchasiñapa
Diosan Reinopan aka oraqjjar apnaqañapa
Diosan munañapajj phoqasiñapa
Kunanaktï necesitktan ukanaka
Juchanakasatwa perdón mayisiñasa
Yantʼanakat jarkʼaqatäñataki
Diosarojj taqe kunatwa yuspärañasa
Diosarojj yatiña, suma amuyu, entiendiña churañapatakiw orañasa
Sl 119:34 uñjjattʼarakïta.
Bibliankir aka sarnaqäwiw yanaptʼistaspa:
1Re 3:11, 12. Salomón reyejj yatiñanïña amuytʼirïñwa Jehová Diosarojj mayïna, ukham luratapajj Diosan chuymaparuw purtʼäna.
Diosarojj espíritu santo mayiñasa
Jilat kullakanakar yanaptʼañapatakiw Diosar mayiñasa, arknaqat uñjasipki ukanakatakis orañasarakiwa
Jehová Diosaruw jachʼañchañasa
Jachʼa cargonakanïpki ukanakatakiw orañasa, ukhamat suma yatiyäwinak predicatas jan jarkʼapjjañapataki
Jer 29:7 uñjjattʼarakïta.
Bautisasktan ukhajja, ¿Diosar orañajj walikïskiti?
¿Diosar serviñan aynachtʼatäpki ukanak laykojj oraraksnati?
¿Kunatsa chachanakajj pʼeqenakap jan taptʼasis orapjje, ukat kunatsa awisajj kullakanakajj pʼeq taptʼasisin orapjjañapa?
Orasktan ukhajj ¿kunas Diosatakejj jukʼamp importantejja? ¿Wali jay oratasati, jan ukajj chuymatpach oratasacha?
Bibliankir aka sarnaqäwinakaw yanaptʼistaspa:
1Re 18:25-29, 36-39. Elías profetajj Baal diosan profetanakapamp chikäkäna ukhajja, uka falso diosan profetanakapajj walja horanakaw diosapar mayisipjjäna, ukampis inamayakiw jupanakajj uk lurapjjäna.
Hch 19:32-41. Éfeso markankiri walja jaqenakajja, niya pä horanakaw “¡Efesionakan Ártemis diosapajj wali chʼamaniwa!” sasin arnaqasipjjäna. Ukampis jupanakajj janiw kunsa ukham lurapjjatapat jikjjatapkänti, antisakiw marka apnaqerejj jupanakar toqenoqäna.