Suma yatiyäwinak predicaña

Cheqpach cristianonakajja, ¿kunarutï confiyapki uk kunatsa mayninakar yatiyapjjañapa?

Mt 28:19, 20; Ro 10:9, 10; Heb 13:15

Hch 1:8; 1Co 9:16 uñjjattʼarakïta.

Suma yatiyäwinak predicañ toqet ¿kunsa Jesusajj yatichawayistu?

Lu 8:1; Jn 18:37

Bibliankir aka sarnaqäwinakaw yanaptʼistaspa:
- Lu 4:42-44. Suma yatiyäwinak aka oraqen predicañatakejj Diosaw khitanitu sasaw Jesusajj säna.
- Jn 4:31-34. Jesusajja “manqʼajajj khitankitu ukan munañap lurañawa” sasaw säna, ukham sasajj kunjamsa predicañar uñjäna ukwa qhanstayaskäna.

¿Congregacionanak pʼeqtʼapki uka jilatanakakit suma yatiyäwinak predicapjjañapa?

Sl 68:11; 148:12, 13; Hch 2:17, 18

Bibliankir aka sarnaqäwinakaw yanaptʼistaspa:
- 2Re 5:1-4, 13, 14, 17. Israelita mä jiskʼa imill wawajja, Jehová Diosan Eliseo profetapatwa Siria markankir uywiriparojj parläna.
- Mt 21:15, 16. Mä qhawqha wawanakajj Jesusar templon jachʼañchapkäna ukhajja, jilïr sacerdotenakasa escribanakas walpun colerasipjjäna, ukatwa jupanakajj Jesusamp cheqañchat uñjasipjjäna.

Superintendente jilatanakajja, ¿kunjamsa congregacionankir jilat kullakanakar predicañ yatichapjje?

1Te 1:5, 6; 2Ti 2:2; 1Pe 5:2, 3

Jehová Diosampi Jesusampejja, ¿kunjamsa suma yatiyäwinak predicañatakejj yanaptʼistu?

2Co 4:7; Flp 4:13; 2Ti 4:17

Bibliankir aka sarnaqäwinakaw yanaptʼistaspa:
- Hch 16:12, 22-24; 1Te 2:1, 2. Apóstol Pablompi compañeronakapampejja jarkʼatpachas jan ajjsarasaw predicasipkakïna, kuna laykutejj Jehová Diosaw jupanakarojj aguantañatak yanaptʼaskäna.
- 2Co 12:7-9. Apóstol Pablojj ‘mä chʼapiw jañchijan utji’ sasaw säna, inas jupajj jañchi toqen usutächïna. Ukampis Jehová Diosan yanaptʼatajja, jan qarjtasaw jupajj suma yatiyäwinak predicaskakïna.

¿Khitis cristianonakarojj predicapjjañapatak autoridad churi?

1Co 1:26-28; 2Co 3:5; 4:13

Bibliankir aka sarnaqäwinakaw yanaptʼistaspa:
- Jn 7:15. Jesusar yatichir uñjasajja judionakajj walpun musparapjjäna, kuna laykutejj Jesusajj jachʼa yateqañ utanakar jan sarkasas wali yatiñampiw yatichäna.
- Hch 4:13. Jesusan apostolonakapajja jan yatjjatʼata aleq jaqekïpkaspas ukhamwa jaqenakajj uñjapjjäna, ukampis jan ajjsarasaw Jesusan apostolonakapajj suma yatiyäwinak predicapjjäna.

Jehová Diosajja predicañ mayninakar yatichañaswa muni, ¿kunjamatsa ukhamätap yattanjja?

Mr 1:17; Lu 8:1; Ef 4:11, 12

Bibliankir aka sarnaqäwinakaw yanaptʼistaspa:
- Is 50:4, 5. Jesusajj janïr aka oraqer jutkäna ukhajja, Jehová Diosaw juparojj suma yatiyäwinak predicañapatak yatichäna.
- Mt 10:5-7. Jesusajj aka oraqenkäna ukhajja, discipulonakaparojj pacienciampiw predicapjjañapatak yatichäna.

¿Kunjamsa predicañarojj uñjañasa?

Mt 11:29, 30; 1Ti 1:12

Predicktan ukhajja, ¿kunjamsa cristianonakajj jikjjatastanjja?

Lu 10:1, 17; Hch 13:48, 52; 15:3; 20:35

Suma yatiyäwinak predikir sarktan ukhajja, ¿kunanakatsa parltanjja?

Mt 24:14; 28:19, 20; Hch 26:20; Ap 14:6, 7

Is 12:4, 5; 61:1, 2 uñjjattʼarakïta.

¿Kunatsa cristianonakajj falso religionan kʼari yatichäwinakap qhanstaytanjja?

2Co 10:4, 5

Bibliankir aka sarnaqäwinakaw yanaptʼistaspa:
- Mr 12:18-27. Jiwatat jaktañajj janiw utjkiti sapkäna uka saduceonakarojja, Jesusajj Qellqatanakampiw pantjatäpjjatap amuytʼayäna.
- Hch 17:16, 17, 29, 30. Apóstol Pablojj Atenas markankkäna ukhajja, kunatsa idolonakar adorañajj jan walïki ukwa uka markankirinakar amuytʼayäna.

¿Kunjamanakatsa prediktanjja?

Hch 5:42; 17:2; 20:20

¿Kunatsa kawkjantï walja jaqenakajj utjki uka cheqanakan prediktanjja?

Jn 18:20; Hch 16:13; 17:17; 18:4

Pr 1:20, 21 uñjjattʼarakïta.

Kunapachatï predikir sarktan ukhajja, ¿kunatsa paciencianïñäsa, jan qarjtañas wakisi?

Is 6:9-11; 2Pe 3:9

¿Predicktan ukhajj kuna askinakas jikjjatasispa?

Hch 14:20-22; 19:9, 10

¿Kunatsa taqe horasan predicañatak chʼamachasiñasa?

1Co 9:23; 1Ti 2:4; 1Pe 3:15

Bibliankir aka sarnaqäwinakaw yanaptʼistaspa:
- Jn 4:6, 7, 13, 14. Jesusajj wali qaritas uñjaskchïnjja, samaritana mä warmiruw phuju jakʼan predicäna.
- Flp 1:12-14. Apóstol Pablojj Diosar servitapat pachpa utapan arrestat uñjaskäna ukhajja, predicañatakejj chʼamachasiskakïnwa, mayninakarus chʼamañchtʼaskakïnwa.

¿Suma yatiyäwinak taqe jaqenakan katoqasipjjañapti suyañasa?

Jn 10:25, 26; 15:18-20; Hch 28:23-28

Bibliankir aka sarnaqäwinakaw yanaptʼistaspa:
- Jer 7:23-26. Markankirinakajj profetanakapar jan istʼapkäna ukjja, Jehová Diosajj Jeremías profetap toqew qhanañchäna.
- Mt 13:10-16. Kunjamtï Isaías tiempon paskänjja, uka pachparakiw jaqenakajj suma yatiyäwinak istʼasajj jan katoqasipkaniti sasaw Jesusajj säna.

Walja jaqenakajj suma yatiyäwinak istʼañatakejj janiw tiemponïpkiti, ¿kunatsa ukham pasatapajj jiwasar jan llakisiyañapäki?

Mt 13:22; 24:38, 39; Lu 17:28, 29

Yaqhepanakajj qalltan suma yatiyäwinak katoqasipjjaspawa ukampis qhepat janiw kuns yatiñ munjjapjjaspati, ¿kunjamatsa ukham pasañap yattanjja?

Mr 4:14-17; Jn 6:65, 66

Yaqhepanakajj predicatas contra saytʼapjjani ukhajja, ¿Bibliankir kawkïr sarnaqäwinakas yanaptʼistaspa?

Hch 13:50; 18:5, 6; 1Pe 4:12-14

¿Jaqenakajj predicatas contra saytʼapjje ukhajj kunsa lurtanjja?

Mt 5:10-12; 10:14, 23; Flp 1:7

Yaqhep jaqenakajja suma yatiyäwinak katoqasisajj ukarjamaw Diosar serviñan jiltapjjani sasajj ¿kunatsa confiyañasa?

Lu 8:15; Jn 4:40, 41; Hch 16:14, 15; 17:11, 33, 34

Suma yatiyäwinak uñtʼapki ukanakan ¿kun lurapjjañapsa Jehová Diosajj muni?

Hch 20:26, 27; 1Co 9:16, 17; 1Ti 4:16

Eze 33:8 uñjjattʼarakïta.

Maynejj kuna religionatäskpasa, yaqha jañchinïskpasa jan ukajj yaqha markatäskpasa, ¿kunatsa jupanakarojj jan yaqhachas predicañasa?

Mt 24:14; Hch 10:34, 35; Ap 14:6

Sl 49:1, 2 uñjjattʼarakïta.

¿Semanan kuna urus predicasikispati? ¿Yaqhep religionanakajj imapki uka urus predicasikispati?

Hch 5:42; 13:42, 44; 16:13

Taqe jaqenakar predicañatakejja, ¿kawkïr sarnaqäwinakas yanaptʼistaspa?

Hch 13:46; Gál 2:7, 8