Jucha
¿Kunas juchajja, ukat kunatsa ukajj taqenir jan waltʼayistu?
Juchanak lurañar jan purtʼasiñatakejj chʼamachassnawa, ¿kunjamsa Bibliajj uk qhanañchistu?
Bibliankir aka sarnaqäwinakaw yanaptʼistaspa:
2Sa 11:2-5, 14, 15, 26, 27; 12:1-13. Jehová Diosajj David reyirojja, jachʼa juch luratapat wali qhan ewjjtʼasaw cheqañchäna, ukatwa Davidajj cambiañatak chʼamachasïna.
Ro 7:15-24. Apóstol Pablojja Diosarojj taqe chuymaw confiyäna, ukampis jan wali amuyunakamp jan apayasiñatakisa jan walinak lurañatakis chʼamachasiskakiñapänwa.
Falso religionanakan engañjatasa jan kun sum yatisasa, ¿kunatsa walja jaqenakajj juch lurapjje?
Hch 3:17; 17:29, 30; 1Ti 1:13; 1Pe 1:14
Nú 15:27-29 uñjjattʼarakïta.
¿Kunatsa yatkasin juch lurañajj janipun walïki?
Nú 15:30; Ro 1:28-32; 1Ti 5:20 uñjjattʼarakïta.
Diosan servirinakaparojja, ¿kunanakampis Supayajj juchar purtʼasiyaspa?
Pr 1:10, 11, 15; Mt 5:28; Snt 1:14, 15
Bibliankir aka sarnaqäwinakaw yanaptʼistaspa:
Gé 3:1-6. Supayajj Eva warmirojj mä asiro toqew engañjäna, ukhamatwa Eva warmejj munañap thaqasajj Diosar jan confiyjjänti.
Pr 7:6-10, 21-23. Jan amuytʼasir mä waynajja, kunjamsa prostituta warmin engañjatajj jucha lurañar purtʼasïna uka toqetwa Salomón reyejj qhanañchäna.
¿Kunjamatsa Supayan yantʼanakapar jan purtʼasksna?
Bibliankir aka sarnaqäwinakaw yanaptʼistaspa:
¿Kawkïr jachʼa juchanakarus cristianonakajj jan purtʼasipjjañapäki?
“Jan wali lurañanaka” sat yatichäwi uñjjattʼäta.
Juchanak arsusiña
¿Kunatsa juchanakas jan imtʼañasäki?
¿Khitirus taqe juchanakas arsusiñasa?
“Jiwasajj mä yanapirinïtanwa” sasaw Bibliajj qhanañchi, jupaw Jehová Diosarojj jiwasanakatak ruwtʼarapistu. ¿Jupajj khitïpachasa?
Khititï juch lurki ukajja, ¿kunjamsa arrepentisitap uñachtʼayaspa?
“Arrepentisiña” sat yatichäwi uñjjattʼarakïta.
Bibliankir aka sarnaqäwinakaw yanaptʼistaspa:
Éx 22:1-12. Moisesan Leyiparjamajja, lunthatajj khitirutï lunthatkäna ukarojja mä ukhat mä ukhampwa churañapäna.
Lu 19:8, 9. Impuesto cobririnakan mä jilïripäkäna uka Zaqueo jaqejja, jan walinak jan lurjjasa ukat khitinakarutï lunthatkäna ukanakar kuttʼayjjasaw arrepentisitap uñachtʼayäna.
¿Jehová Diosajj perdonistaniwa sasajj kunatsa confiysna?
“Perdonaña” sat yatichäwi uñjjattʼäta.
Maynejj mä jachʼa juchar purtʼaski ukhajja, ¿khitinakarus Jehová Diosajj congregacionar yanaptʼapjjañapatakisa jan walinakat jarkʼaqapjjañapatakis uttʼayi?
Hch 20:28; Gál 6:1 uñjjattʼarakïta.
Mä jachʼa juchar purtʼasitasajja, ¿kunjamsa familiasarusa congregacionarus jan waltʼayaspa?
Dt 29:18 uñjjattʼarakïta.
Bibliankir aka sarnaqäwinakaw yanaptʼistaspa:
Jos 7:1-13, 20-26. Acán chachajj jachʼa jucharuw purtʼasïna, ukat uka juchap imtʼañwa amtarakïna, ukham lurasajj Israel markpacharuw jan waltʼayäna.
Jon 1:1-16. Jehová Diosajj kuntï Jonasar siskäna ukarojj janiw istʼkänti, ukatwa barconkirinakar jan waltʼayäna.
1Co 5:1-7. Corintonkir congregacionarojja kuna jachʼa juchas jan waltʼayaskäna ukwa apóstol Pablojj qhanstayäna.
Cheqañchatäñar ajjsarañat sipansa, ¿kunatsa ancianonakan yanaptʼap thaqañasa?
Nayra pantjasitanakas layku llakita sarnaqañat sipansa, ¿kunatsa Diosajj perdonjjetuwa sasin confiyañasa?
“Perdonaña” sat yatichäwi uñjjattʼäta.
Maynin jachʼa jucha luratap yatiñäni ukhajja, ¿kunatsa juch luririrojj ancianonakamp parlañapatak mayiñasa?
Bibliankir aka sarnaqäwiw yanaptʼistaspa:
Dt 13:6-9; 21:18-20. Moisesan Leyiparjamajja, mä israelitajj jachʼa juch luririn (familiarapäskpansa jan ukajj munat amigopäskpansa) juchap yatiyañapänwa.