Jan wali amtanakarjam lurañanaka

Bibliankir aka sarnaqäwiw yanaptʼistaspa:

• Abd 10-14. Edomitanakajja israelita jilanakapatak chuyma ustʼat sarnaqasajj jan walinakwa lurapjjäna, ukatwa Diosajj jupanakar castigäna.

Bibliankir aka sarnaqäwinakaw yanaptʼistaspa:

• Gé 37:18, 19, 23, 24, 31-35. José waynan jilanakapajja jan walinakwa Josear lurapjjäna, esclavotwa jupar aljapjjarakïna, ukatjja Jacob tataparojj ‘munat wawamajj jiwatäjjewa’ sasaw sapjjarakïna.

• Gé 49:5-7. Simeón ukat Leví chachanakajja, jan sinttʼasipjjatapatsa wal colerasipjjatapatsa sinti jan walinakwa lurapjjäna, ukatwa jupanakajj cheqañchat uñjasipjjäna.

• 1Sa 20:30-34. Saúl reyejj coleramp atipayasisajja, jan wali arunakampiw Jonatán yoqapar toqenoqäna, ukat jiwayañatakiw lanzamp jaqtʼarakïna.

• 1Sa 25:14-17. Nabal chachajja Davidan soldadonakaparojj jan wali arunakampiw arnaqjjäna, ukham luratapat niyapuniw utapankirinakar jiwañar purtʼasiyäna.

Bibliankir aka sarnaqäwinakaw yanaptʼistaspa:

• Gé 26:12-15. Jehová Diosajj Isaac chachan trabajopar wal bendisïna, ukatwa filisteonakajj jupat envidiasiñ qalltapjjäna.

• 1Re 21:1-19. Acab jan wali reyejj Nabot chachan uvas yapupwa wal munäna, ukatwa Nabot chachar kʼarintasajj jiwayayäna.

Bibliankir aka sarnaqäwinakaw yanaptʼistaspa:

• 2Sa 15:1-6. Absalón waynajj wali jachʼa jachʼa tukurïnwa, ukatwa David awkipat sipans wali uñtʼatäñ munäna.

• Est 5:9-14; 7:9, 10. Jachʼa jachʼa tukuri Amán chacha nayraqatan Mardoqueojj janiw altʼasiñ munkänti, ukatwa Amán chachajj wal colerasïna. Ukampis uka chachajj jachʼa jachʼa tukutapat jiwayataw uñjasïna.

• Eze 28:11-15, 17, 19. Tiro markan reyipajj utjirinakaparu ukat chʼamapar wal confiyatap laykojj jachʼa jachʼaw tuküna, ukampis ukham tukutapat tukjataw uñjasïna.

• Da 4:29-32. Nabucodonosor reyejj jachʼa jachʼa tukutapatwa Jehová Diosamp cheqañchat uñjasïna.

Bibliankir aka sarnaqäwinakaw yanaptʼistaspa:

• 1Sa 8:10-20. Israelitanakajj mä rey mayipkäna ukhajja, Samuel profetajj uk mayipjjatamajj janiw walïkiti sasaw säna. Ukampis jan amuytʼasisaw israelitanakajj mayisipkakïna.

• 1Sa 25:2-13, 34. Davidar jan yanaptʼañ munatapatjja, jan amuytʼasir Nabal chachajj niyapuniw utapankirinakar jan walin uñjasiyäna.

Bibliankir aka sarnaqäwiw yanaptʼistaspa:

• 1Sa 18:6-9; 20:30-34. Saúl reyejj janiw Davidar confiykänti, Jonatán yoqaparus kʼarinakampiw David contra saytʼasiñapatak parläna.

Bibliankir aka sarnaqäwinakaw yanaptʼistaspa:

• 2Cr 36:11-17. Sedequías reyejj jan istʼasir jan wali reyïnwa, ukatwa Diosan markaparojj jan walinakan uñjasiyäna.

• Hch 19:8, 9. Khitinakatï chuym qalarayasis Diosan arunakap jan creyiñ munapkäna ukanakarojja, apóstol Pablojj janiw predikjjänti.

Bibliankir aka sarnaqäwinakaw yanaptʼistaspa:

• Gé 42:21-24. Josean jilanakapajja jan sinttʼasis Josear jan walinak lurapjjatapat wal amtasipjjäna, wali llakitaw jikjjatasipjjarakïna.

• Mr 3:1-6. Fariseonakajj jan sinttʼasir chuymanïpjjänwa, ukatwa Jesusajj uk uñjasin wali chuyma ustʼat jikjjatasïna.

Bibliankir aka sarnaqäwinakaw yanaptʼistaspa:

• Nú 13:25-33. Israelita 10 uñaqerinakajj jaqenakaruw wal ajjsarapjjäna, ukatwa markankirinakarojj jan wali yatiyäwinak ajjsarapjjañapatak parlapjjäna.

• Mt 26:69-75. Apóstol Pedrojja jaqenakar ajjsarasaw Jesusar kimsa kuti jan uñtʼirejj tuküna.

Bibliankir aka sarnaqäwinakaw yanaptʼistaspa:

• Gé 13:5-9. Abranan uywa awatirinakapampi Lot chachan uywa awatirinakapamp wal toqerasjjapjjäna ukhajja, sumankañ utjañapatakejj Abrahán chachaw chʼamachasïna.

• Jue 8:1-3. Efraín tribunkir chachanakajj Gedeón juezamp nuwasiñwa munapjjäna, ukampis Gedeonajj humilde chuymampiw jupanakar parläna.

Bibliankir aka sarnaqäwinakaw yanaptʼistaspa:

• Mt 12:1-7. Fariseonakajj mayninakat sipans jukʼamp suma jaqëpkaspas ukhamwa amuyasipjje sasaw Jesusajj säna.

• Lu 18:9-14. Jupanak pachparuk confiyasir jaqenakajj kunatsa Dios nayraqatan jukʼamp cheqapar jan uñjatäpki uk qhanstayañatakejja, Jesusajj mä uñachtʼäwitwa parläna.

Bibliankir aka sarnaqäwinakaw yanaptʼistaspa:

• Job 31:24-28. Job chachajj walja utjirinïkchïnsa, jupatakejj Diosar serviñaw nayrankäna.

• Mr 10:17-27. Wali utjirini mä waynajj kunanakapatï utjkäna ukanakarukiw wal munasïna, ukatwa jupajj Jesusan arkiripar jan tukkänti.