Aka yatichäwinakaniwa

Kunayman jan walinakan uñjastan ukhajja, ¿kuns lursna? Aka yatichäwejj 2018 maratak Bibliat apstʼat qellqatatwa qhanañchaskani, kunatsa Jehová Diosampi yanaptʼayasiñasa, ukat kunjamsa yanaptʼistani ukanakatsa qhanañcharakiniwa.

Aka marajja, 31 de marzo, sábado arumaw Jesusan jiwatapajj amtasini. ¿Kunjamsa uka urutaki wakichtʼassna askinaksa apsuraksna? ¿Kunjamsa Jesusan jiwatap amtañajj Diosan markaparu aka oraqpachan mayachtʼi? Uka jisktʼanakan qhanañchäwipajja, aka yatichäwinwa utji.

Taqe kunatï utjkistu ukajj Jehová Diosatwa juti. Ukampis kunatï markapan lurasiski ukaru yanaptʼañaswa Jupajj muni. Kunatï utjkistu ukanakampi Jehová Diosar jachʼañchañajj kunatsa ukat kunjamsa yanaptʼistu ukwa aka yatichäwin yatjjataskañäni.

Aka pä yatichäwinakat nayrïr yatichäwejja, Jehová Diosar munassna ukhakiw cheqpach kusisitässna, janiw kunarutï jilaparte jaqenakajj ‘aka qhepa urunakan’ munasipki ukajj cheqpach kusisiñ churkistaspati sasaw qhanañchi (2 Tim. 3:1). Payïr yatichäwinsti, kunatsa Jehová Diosan servirinakapajj jilaparte jaqenakat mayjäpjje ukwa qhanañcharaki.