Yatiyäwinaka

◼ Kuna qillqatanakampis enero phaxsin yatiyañäni: Akïr folletonakampiw yatiysna: ¿Kunsa Diosax jiwasanakaru mayistu? ¡Wiñayan wiñayapataki kusisita aka Uraqin jakasim! Febrero: Familian sum jakasiñatakixa kunas munasi. Marzo: ¿Kunsa Bibliax chiqpachapuni yatichi? Bibliat yatiqirinïñatakiw chʼamachasïta. Abril: Yatiyañataki ukat ¡Despertad! sat revistanakampi. Yatxattʼañ munasipki uka jaqinakar wasitat visittʼañatakix chʼamachtʼasipuniñamawa, sañäni, Jesusan jiwäwip amtir jutirinakaru yatiqapxañapatak yanaptʼañasawa ukhamaraki ukapachan wakiskir arstʼäwix utjki uka tantachäwir jutirinakarusa yanaptʼañasawa. Janïr Bibliat yatiqapki ukanakarusa Bibliat yatichañ qalltapxañasawa.

◼ Marzo phaxsin precursor auxiliarjam irnaqtʼañax wali askïniwa, kunattix phisqa sabadoni ukat phisqa domingoniwa.

◼ Febrerot marzo 2 uru saraqatkamaxa, taqinitak akham sat mä machaq arstʼäwiw arstʼasini: “¿Khitirus llakitäktan ukhax yanap maysna?”, uksti tamanak tumptʼir jilatanakaw arstʼapxani.

◼ Jichha maran marzo phaxsit 22 urunak saraqataru Jesusan jiwäwip amtañatakixa tamanakax jichjatwa wakichasxapxañapa. Vinompi tʼantʼampixa Inti jalantxarukiw pasayasiñapa, ukampis arstʼäwix mä jukʼa nayrtʼaskaspawa. Kuna horas markaman Intix jalantani uk amuyapxañamawa. Jesusan jiwäwip amtañatakixa sapa tamaw wakiyasipxañapa. Ukampis awisax janiw ukham lurañjamäkaspati. Ukhamasti, kawkïr tamanakatix pachpa Tantachasiñ Utan tantachasipxi ukhaxa, yaqha utwa uka arumatakix mayni tamanakax jikxatapxañapa. Ukhamaraki, kawkïr tamanakatix kikpa utan amtapxani ukhaxa, mä pusi tunka minutonakatwa suytʼasipxañapa, ukhamat taqinis tukuyxasin parlakiptʼasiwayapxañapataki. Ukhamaraki carronakax kawkjarus jaytasini, kunjamsa jaytasini ukax amuytʼasiñaparakiwa, sañäni, kawkjatsa carronakar sarxatasini ukhamarak kawkjarus jaytapxani ukanaka. Kunatix tamatak askïki ukxa irpir chuymaninakawa amtapxani.

◼ Taqi precursor regularanakawa, precursorjam uttʼayat cartanipxañapa (S-202-S), uksti tamanakankir secretario jilatanakawa sum uñakiptʼapxañapa. Mä precursorax jan cartanïkchi ukhaxa, sucursalaruw qillqanipxañapa.

◼ 2008 febrero phaxsit 25 urunak saraqkani uka semanatxa Familian sum jakasiñatakixa kunas munasi sat librowa Librot Yatiqañataki sat Taman Tantachäwipanxa yatxatasiskani.