Yatiyäwinaka

◼ Kuna qillqatampis marzo phaxsin yatiyañäni: ¿Kunsa Bibliax chiqpachapuni yatichi? Bibliat yatiqirinïñatakiw chʼamachasïta. Abril ukat mayo: Yatiyañataki sat revistampi. Yatxattʼañ munasipki uka jaqinakar wasitat visittʼañatakix chʼamachtʼasipxätawa, sañäni, Jesusan jiwäwip amtañataki jutirinakaru ukat ukapachan wakiskir arstʼäwix utjki uka tantachäwir jutirinakarusa. Janïr Bibliat yatiqapki ukanakarus Bibliat yatichañ qalltapxañasawa. Junio: Chiqpach Diosaru yupaychapxañäni.

◼ Yatiyañataki ukat ¡Despertad! sat revistanakax purinxipanxa jankʼakiw yatiyirinakarux lakirasiñapa. Ukhamatwa janïr yatiyir sarkasaxa uka revistanak liytʼasax sum yatxatawayapxani.

◼ Irpir chuymaninakan pʼiqinchiripan khitat mä jilatawa diciembre, enero, febrero phaxsinakanxa qullqix taman kunjamsa apnaqasiwayi uk uñjañapa. Ukampis janiw sapa kutixa uka jilatarukipuni uñjiritakix khitasiñapäkiti. Ukat kunapachatï qullqi tuqit yatiyaskani ukhawa qullqi tuqit papelanakaw uñxatasiwayi sasin yatiyasini (Instrucciones para la contabilidad de la congregación [S-27] sat qillqat uñxatäta).

◼ 2008 maranxa “Qullan ajayumpi irpayasipxañäni” satäniwa (Asamblea de Distrito) Jachʼa Tantachäwinakaxa. Jutïrinwa uka tuqit aka pachpa qillqatan jukʼamp yatiyasiskani, ukhamatwa uka jachʼa tantachäwir kimsürpach sarañatakix wakichasipxäta. Wakisirjamächi ukhax irnaqäwimatsa tiempo apstʼasirakismawa kimsürpach sarañatakixa, jankʼakiw patronamampi parltʼañama.