Yatiyäwinaka
◼ Kuna qillqatampisa junio phaxsin yatiyañäni: Chiqpach Diosaru yupaychapxañäni. Julio ukat agosto phaxsinakanxa akïr folletonakampiw yatiyasiskani: Maynix jiwxi ukhax kamachsnasa, ¿Chiqapuniti Diosax sum jakasiñas munpacha?, ¿Kunsa Diosax jiwasanakaru mayistu?, ¡Wiñayan wiñayapataki kusisita aka Uraqin jakasim!, Diosan munasitapäsnawa, Kunjamatsa wali kusisit jakassna. Septiembre: ¿Kunsa Bibliax chiqpachapuni yatichi? Bibliat yatiqirinïñatakiw qalltatpach chʼamachasïta. Uka jaqitï uka libronïxchixa, kunjamsa uka librot yatiqaspa uk mä jukʼa yatichtʼasma ukhamat askinak apsuñapataki.
◼ Agosto phaxsin precursor auxiliarjam irnaqtʼañax wali askïniwa, kunattix phisqa sabadoni ukat phisqa domingoniwa.
◼ Irpir chuymaninakan pʼiqinchiripan khitat mä jilatawa marzo, abril, mayo phaxsinakan kunjamsa taman qullqix apnaqasiwayi uk uñjañapa. Ukat kunapachatï qullqi tuqit yatiyaskani ukhaw qullqi tuqit papelanakax uñxattʼasiwayiwa sasin yatiyasini (Instrucciones para la contabilidad de la congregación [S-27] sat qillqat uñxatäta).
◼ Precursor regularjam irnaqtʼañ munirin mayitapaxa mä phaxsi faltkipanwa sucursalar apayasiñapa. Tamankir secretario jilataw uka solicitudxa sum uñakiptʼañapa, jan kunas armtʼasiñapataki. Precursor regularjam irnaqtʼañ munirinakax kuna urus bautisasïna uk jan amtasipxchixa, tantiytʼasinwa qillqxatapxañapa, ukat jutïrinxa uka urwa amtasipxañapa. Ukat secretario jilatawa Registro de publicador de la congregación (S-21) sat formulariorux qillqxatxarakini.
◼ 2008 marat enero phaxsit aksaruxa, La Atalaya ukat ¡Despertad! sat revistanakaw inglés ukat español arut Internetan www.pr418.com satäkis ukan utjxi. Ukham utjatapaxa waljanitakiw CD jan ukax MP3 satäkis ukar apaqasiñax wali askïxi, kunattix tamar puriniñapkama suyañax chʼamänwa. Internetat uka archivonak apaqatat pagasiskakchisa ukampis janiw walja qullqix irtasxiti, kunattix disconak lurañasa apayañasa jukʼamp qullqitakïnwa. Ukhamasti uka archivonak Internetat apaqir jilat kullakanakax janiw tama taypit nayrjam mayxapxañapäkiti. Tiempompix yaqha arunakampiw Internetan www.pr418.com ukan utjxarakini.