Jisktʼäwinaka

◼ ¿Mä tamasa jan ukax mä jaqis Jehová Diosan Qhanañchirinakapan corporaciones legales ukham uñtʼatäkis ukan dibujonakap (logotipo) apnaqapxañapax walikïskaspati?

Logotipo satäkis ukax letranakampi dibujonakampi luratawa, mayni dibujonakatxa mayjarakiwa. Amuytʼañäni, Watch Tower uka dibujox (yatiyañataki mä torrewa) Watch Tower Bible and Tract Society of Pennsylvania ukat Jehová Diosan Qhanañchirinakapax yaqha corporacionanakanïpki ukanakankarakiwa. Congregación Cristiana de los Testigos de Jehová ukankirinakax qillqatanak apayapki uka hojanakanxa dibujopan mä janjtʼat Bibliaw uñsti. Ukat Jehová Diosan Qhanañchirinakapan yaqha corporacionanakapanxa yaqha letranaka jan ukax dibujonakarakiw uñsti.

Entidades legales ukham uñtʼatäkis ukan sutinakapsa jan ukax ukar uñtasita yaqha qillqatanaksa, janipuniw tamanakax Tantachasiñ Utanak kʼachachtʼañatakisa letreronakatakisa uchapxañapäkiti, janirakiw khitis qillqatanak apayañataki jan ukax libronakapar qillqxattʼasiñatakis ukat yaqhanakampitakis uka dibujonak apnaqapxañapäkiti. ¿Kunatsa? Autoridadanakasa, jaqinakasa ukat jilat kullakanakasa pantjasipxaspawa, kunattix Jehová Diosan Qhanañchirinakapan entidades legales ukanakax leyinakarjamax kuna dibujompis uñtʼasi ukax janiw qhanäkaspati. Ukhamarakïspaw cartanak apayaski uka hojanakampixa, uka cartax Betelatsa jan ukax Uraqpachan Jilïr Irpirinakatsa jutkaspa ukham amuyayaspa.

Ukhamasti, janipuniw Watch Tower satäkis ukan dibujopasa ni ukar uñtasita yaqha qillqatasa machaq Tantachasiñ Utanak luraski ukarux uchasiñapäkiti, uka Tantachasiñ Utax Watch Tower ukankirinakankchisa janiw kuna dibujos uchasiñapäkiti. Mä Tantachasiñ Utatï letreropana jan ukax kʼachachtʼañataki uka dibujompi luratäxchi ukhaxa, uk apsuñax inas chʼamächi, tiempotakïchi ukat qullqitakïchi ukhaxa, janiw jankʼaki uka dibujo apsuñax wakiskaspati. Kunapachatï yaqha letrero uchañäxani jan ukax uka Tantachasiñ Uta askichaskani ukhaw uka dibujonakax apsutäni. Ukampisa, uka dibujo apaqxañax jan chʼamäkchi ukhaxa jankʼakiw apaqasiñapa.