Revistanakat kunjamsa parltʼasma

Yatiyañataki Octubre-diciembre

“¿Chiqapunit Diosax oracionanakasxa istʼpacha? [Kamsanis uk istʼäta. Ukatxa, Salmo 65:2 liytʼarapïta.] Jiwasatï taqi llakinakas Diosar katuyañäni ukhaxa, jupax istʼistaniwa sasaw Biblia qhanañchi.” 26 janankki uka yatichäw uñxattʼayäta.

¡Despertad! Diciembre

“‘Diosatï utjchixa, ¿kunatsa Supayar jan tukjpacha?’ sasaw walja jaqinakax jisktʼasipxi. ¿Jumax ukham jisktʼasirakirïtati? [Kamsanis uk istʼäta.] Uka jisktʼaruxa aka revistaw 10 ukat 11 jananakapan Bibliamp qhanañchaski. Ukat Supayax tukjatäni ukhax kunjamäxanisa aka uraqix uksa qhanañcharakiwa.” Apocalipsis 21:3, 4 liytʼarapïta.

Yatiyañataki Enero-marzo

“Jumax kamsasmasa, ¿kuntï lurasktan ukxa angelanakax uñjasinipkpachïstuti? [Kamsanis uk istʼäta.] Bibliax uka tuqitxa akham sasaw qhanañchtʼi [Lucas 15:10 liytʼarapïta]. Angelanakax walinsa jan walinsa uñjayistaspawa sasaw Jesusax qhanañchäna. Uka tuqitwa aka yatichäwix parlaski.” 16 janankki uka yatichäw uñxattʼayäta.

¡Despertad! Enero

Revistan pʼiqinchäwip uñachtʼayasaxa, akham sasaw jisktʼäta: “¿Kunjamsa aka jisktʼar qhanañchtʼasma? [Kamsanis uk istʼäta.] Bibliax taqiniruw sumankañan jakasiñatak chʼamañchtʼistu. [Santiago 3:17 liytʼarapïta.] Ukhamasti, ¿kunatsa yupaychäwinakax jaqinakar jan mayachtʼkpacha? ¿Yupaychäwinakax jaqinakan sumankañan jakasiñapatakix yanaptʼapxpachäniti? Aka revistaw uka jisktʼanakar qhanañchtʼaski”.