Yatiyäwinaka

◼ Septiembre phaxsinxa aka qillqatampiw yatiyaskañäni: ¿Kunsa Bibliax chiqpachapuni yatichi? Bibliat yatichañ qalltañatakiw chʼamachasïta. Octubre: Yatiyañataki ukat ¡Despertad! revistanakampi. Jukʼamp yatxatañ munirinakarux ¿Kunatï chiqäki uk yatiñ munasmati? siski uka tratado churäta ukat Bibliat yatichañ qalltañatakiw chʼamachasïta. Noviembre: ¿Chiqapuniti Diosax sum jakasiñas munpacha? sat folletompi. Ukampi chikaxa, jan ukax uka lantixa, kawkïr folletonakampis agosto phaxsin yatiyasiskani uka folletonakampi.

◼ Jesusan jiwäwip amtaskani ukapachan wakiskir arstʼäwix 2012 maranxa, abril phaxsi 2 urunak saraqkani uka semananwa arstʼasini. Qhipatwa pʼiqiñchäwipax yatiyasiskani. Janipuniw kawkïr tamansa Jesusan jiwäwip amtañataki tantachäwi nayrax arstʼasiñapäkiti.

◼ 2012 maran marzo phaxsin precursor auxiliarjam irnaqtʼañ munapkani jupanakax 30 jan ukax 50 horanakwa yatiyapxaspa. Ukhamarusa, marzo phaxsintï tamanak tumptʼiri jilatax tamamar tumptʼaskchinixa, precursor regularanakamp tantachaskani uka tantachäwiruxa, precursor auxiliarjam irnaqtʼasipkani jupanakax taqiniw uka tantachäwitaki invittʼatäpxani.

◼ Tamanak tumptʼir jilatanakaxa, aka arstʼäwimpiw septiembre phaxsitxa tamanakan arstʼasipkani, pʼiqiñchäwipax akawa: “Jehová Diosan kusisit markapamp mayachtʼatäpxañäni”.