Yatiyäwinaka

◼ Septiembre ukat octubre phajjsinakanjja, aka qellqatanakampiw yatiyaskañäni: Yatiyañataki ukat ¡Despertad! revistanakampi. Bibliat yateqañ munapki ukar kuttʼasajja, Kunsa yatichi sat librompi ukat Diosar istʼañäni jan ukajj Diosar istʼañäni ukat wiñayatakiw jakañäni sat qellqatanakampiw Bibliat yatichañ qalltañatak chʼamachasiñäni. Noviembre ukat diciembre phajjsinakanjja, aka tratadonakampiw yatiyaskañäni: ¿Kunatï chiqäki uk yatiñ munasmati?, Tʼaqhisiñax niyaw tukusxani, ¿Khitis Jehová Diosaxa? jan ukajj ¿Khitis Jesucristoxa? Ukat utanitï Bibliat yateqañ munani ukhajja, Kunsa yatichi sat librompi jan ukajj Diosar istʼañäni jan ukajj Diosar istʼañäni ukat wiñayatakiw jakañäni sat qellqatanakampiw kunjams Bibliat yateqasispa uk uñachtʼayäta.

◼ Jesusan jiwäwip amtaskani ukapachan wakiskir arstʼäwi 2013 maratakejja, abril phajjsi 1 uru saraqki uka semananwa arstʼasini. Qhepatwa uka arstʼäwin pʼeqeñchäwipajj yatiyasiskani. Kawkïr tamanakatejj uka semanan jachʼa tantachäwir sarañ waktʼkani jan ukajj tamanak tumptʼir jilatajj visittʼkani ukhajja, uka seman qhepatwa uka arstʼäwejj arstʼasiñapa. Janipuniw ni mä tamansa uka arstʼäwejj abril phajjsi 1 uru saraqat seman nayrajj arstʼasiñapäkiti.