Diosan Arunakap Yatiyañatak Escuela–Repaso

Aka jisktʼanakarojja, agosto 26 urut qalltki uka semananwa Diosan Arunakap Yatiyañatak Escuela sat tantachäwin qhanañchasiskani. Aka jisktʼanakajj kuna semanansa qhanañchasiskani, ukaw sapa jisktʼan uñstaraki. Ukhamat jayäkipan sum wakichtʼasiñasataki.

1. Rey Herodesan jaqenakamp jachʼañchayasitapat ¿kuna wakiskir yatichäwsa yateqassna? (Hechos 12:21-23.) [Julio 1, w08 6/1 jana 10 § 7.]

2. Cristiano wayn tawaqonakajj ¿kunjamatsa Timoteot yateqasipjjaspa? (Hechos 16:1, 2.) [Julio 8, w08 6/1 jana 10 § 10.]

3. Éfeso markan sinagogapanjja, Apolos jilatar ‘jan ajjsaras’ yatichir uñjasajj ¿kun lurañsa Aquilampi Priscilampejj amtapjjäna? (Hechos 18:24-26.) [Julio 15, w10 6/15 jana 11 § 4.]

4. ¿Jiwatat jaktanit ‘jan aski jaqenakas’ kunsa phoqhapjjañapa? (Hechos 24:15.) [Julio 22, w10 8/15 jana 30 § 12.]

5. ¿Kunatsa Pablojj wali suma yatichirïnjja? (Hechos 28:23.) [Julio 29, w12 1/15 jana 13 § 19.]

6. ¿Maynejj jan wal lurkistu ukhajj kun amtañas wakisispa? (Romanos 3:23.) [Agosto 5, w12 11/15 jana 30 § 15.]

7. ¿Janïr Cristojj jiwkipanjja kunjamataraki ‘Jesucriston qhespiyäwipajj’ nayra juchanak qhespiyasapänsti? (Romanos 3:24, 25.) [Agosto 5, w08 6/1 jana 30 § 6.]

8. Kunapachatï llakinakampi chuymas kawkstʼat ukat jan kuns kamsirjam jikjjatasiñäni ukhajja ¿kunsa munasirïtapat Jehová Diosajj churistu? (Romanos 8:26, 27.) [Agosto 12, w08 6/1 jana 31 § 10.]

9. ¿“Visitanak jutipansti sumrak katoqapjjam” siski uka arunakajj kamsañs muni? (Romanos 12:13.) [Agosto 19, w09 10/15 jana 6 § 12, 13.]

10. ¿Kunjamatsa cristiano chachanakajj Jesusat yateqasipjjaspa jachʼa munasiñ uñachtʼayañjja? (Romanos 15:3.) [Agosto 26, cf jana 179 § 17.]