Yatiyañatak yanaptʼanaka

Septiembre phajjsin nayrïr sábado urun Bibliat yatichañ qalltañataki

“Kamisaraki, nanakakiw mä rat visittʼasipkta ukhamat kunjamatsa jaqechasitanakajj kusisit jakasipjjaspa uka toqet parltʼañataki. Jumajj kamsasmasa ¿kunas jaqechasiwin jan kusisiñ utjayaspa?” [Kamsanis uk istʼäta.] Ukjjarusti Yatiyañataki septiembre sat revistan qhep qhepa janankki uka yatichäwin nayrïr tʼaqapata ukat Bibliat apstʼat jiskʼa tʼaqanakapat mays uñakiptʼapjjätawa. Ukat revistanak jaytasinjja, ukjjankki uka jisktʼar qhanañchañatakiw kunürus kuttʼasma uk amtawayapjjäta.

Yatiyañataki Septiembre 1

“Vecinonakamaruw mä rat visittʼasipkta, kunattejj waljaniw ¿kunatsa Diosajj tʼaqhesiñanak utjayaskaki? sasin jisktʼasipjje. ¿Jumajj uka toqet kamsasmasa? [Kamsanis uk istʼäta.] Janiw jachañas tʼaqhesiñas utjjaniti sasaw Bibliajj mä suma yatiyäw yatiyistu [Apocalipsis 21:4 liytʼäta]. Aka revistanwa kunatsa tʼaqhesiñas jan waltʼäwinakas utji uk phesqa toqet qhanañchaski. Ukat kunjamsa uka jan waltʼäwinak Jehová Diosajj tukjani uks qhanañcharakiwa.”

¡Despertad! Septiembre

“Mä qellqat apanirapisipksma akanjja, Halloween toqetwa parlaski uka fiestajj urut urutjamaw wali uñtʼatäjje. Ukampis yaqhepanakajj janiw uk amtapkiti, kunattejj aka qellqataruw istʼañ munapjje [Deuteronomio 18:10, 11 liytʼäta]. Ukampis yaqhepanakajj janiw almanakarusa ni ajayunakarus creyipkiti, ukampis uka fiestajj walikïskaspasa janis kunäkaspa ukhamakwa uñjapjje. Jumajj uka fiestat ¿kamsasmasa? [kamsanis uk istʼäta.] Aka revistanwa kunjamatsa uka Halloween sat fiestajj uñstawayi uka toqet qhanañchaski.”