Marzo 22 urutwa Jesusan jiwäwip amtañatakejj invitación lakiraskañäni
Aka marajja, marzo 22, sábado urutwa Jesusan jiwäwip amtañatakejj invitación lakiraskañäni. Taqeniw uk lurañatak chʼamañchtʼatätanjja. Seman tukuyanakajja, wakischini ukhajja revistanaksa churaraksnawa. Ukat abril phajjsin nayrïr sábado uru Bibliat yatichañ qalltañat sipansa, invitación lakirañatakiw chʼamachasiñäni. Ukampis maynitï Bibliat jukʼamp yatjjatañ munanejja, jupampi Bibliat yatjjatañ qalltaraksnawa. Ukat yatiyañ toqet irpir chuymani jilataw walja jaqenak utjki uka cheqan invitación lakirañajj wakisispati janicha uk amtjjani. Ukhamajja, familiaranakasaru, irnaqeri jan ukajj yateqeri masinakasaru, Bibliat yateqañ munapki ukanakaru, jan ukajj khitinakan jutañaptï munktan ukanakarojj invitación lakirañ qalltkañäni ukhaw churañasa, ukatakejj mä lista wakichtʼasiñasawa. Kunjamsa Jehová Diosampi Jesusampejj taqe jaqenakar munasiñ uñachtʼäwayi uk amtañatak waljani jutapjjaspa ukajj wali askipunïspawa (Juan 3:16; 15:13).